தமிழ் ஊடகம்

வாழ்த்துக்கள்

2012-01-15T09:23:00.000+05:30

தமிழ் மக்கள் அனைவருக்கும் என் இனிய பொங்கல் திருநாள் நல்வாழ்த்துக்கள்.

நான் பதிவுகளை எழுதி சுமார் பத்து மாதங்கள் ஆகின்றன.மீண்டும் இந்த பதிவுலகத்திற்கு வரவேண்டும் என்று எண்ணி கொண்டு இருந்தேன்.பல்வேறு காரணங்களால் அது முடியவில்லை.இப்பொழுது மீண்டும் பதிவு எழுத வந்து இருக்கிறேன். உங்கள் அன்பும் ஆதரவும் என்றும் எனக்கு வேண்டும் என்று இணைய சொந்தங்களை அன்போடு கேட்டுகொள்கிறேன் .

நன்றி,

அன்புடன் ஆனந்தன்

பச்சை வேட்டை,வெள்ளந்தி மனிதர்கள்,கருப்பு ஊடகங்கள்

2010-04-11T08:58:00.006+05:30

"பச்சை வேட்டை " இந்திய அரசாங்கம் மாவோ இயக்கங்களுக்கு எதிராக தொடுக்கும் உள்நாட்டு போரின் பெயர் .எதற்கு இந்த போர் மக்களை காப்பாற்றவ இல்லை இயற்கையின் கொடையான காடுகளை அளித்து அங்கிருக்கும் கனிமவளங்களை சில பெரும் பண முதலைகளுக்கு கொடுபதர்க்காகவே இந்த போர்.மத்திய அரசாங்கம் இந்த போரை முப்பதாயிரம் துணை ராணுவ வீரர்களை இந்த போரில் ஈடுபடுத்தி உள்ளது.ஏற்கனவே இந்த கதர் சட்டை கலிசடைகள் இந்தியாவை அமெரிக்காவிடம் அடுகுவைத்து விட்டார்கள்.மரபணு மாற்று விதைகளை உலகநாடுகள் தடை விதித்தாலும் இந்திய ஆட்சியாளர்கள் அந்த விதை உற்பத்தி செய்யும் மான்சாண்டோ என்ற அமெரிக்க கம்பெனி இரு கரம் கூப்பி வரவேற்றன.

சத்தீஸ்கர் மற்றும் ஜார்கண்டில் மாநிலத்தில் ஆதிகாலம் தொட்டு காடுகளிலே வாழ்ந்து வரும் பழங்குடி இன மக்களுக்கு இன்று வரை எந்த அடிப்படை வசதியும் செய்யாத இந்த அரசாங்கம் பெரும் முதலாளிகளின் அடிவருடியாகி பல்லாயிரம் சதுர கிலோமீட்டர் நீளமுள்ள வன பிரதேசத்தை அழித்து சுரங்கம் தோண்டுவதற்கு அனுமதி அளித்துள்ளது.காடுகளையே கடவுளாக போற்றும் இந்த பகுதியில் வாழும் பழங்குடி மக்கள் இதற்க்கு கடுமையான எதிர்ப்பு தெரிவித்தார்கள் அவர்களுக்கு ஆதரவாக மாவோ இயக்கங்களும் களம் இறங்கின.

இதனால் அந்த பகுதிகளில் சுரங்கம் அமைக்க முடியாமல் பெரும் நிறுவனங்கள் திணறின.பெரும் முதலாளிகளுக்கு ஒரு பிரச்னை என்றால் அது இந்திய அரசாங்கத்திற்கும் ஒரு பிரச்னை அல்லவா?தேர்தலுக்கு இந்த நிறுவனங்கள் தான் கோடி கோடியாய் நன்கொடை தருகிறதே அதனால் பச்சை வேட்டை என்று பெயர் வைத்து கொண்டு ராணுவ பலத்தை பயன்படுத்தி நர வேட்டை ஆடிவருகிறது. பழங்குடி மக்கள் வசிக்கும் பல நூறு கிராமங்களை சூறை ஆடி உள்ளது.பல ஆயிரம் பழங்குடி மக்கள் இதில் கடுமையாக பாதிக்க பட்டுள்ளனர்.

தன் சொந்த மக்களுக்கே அகதிகள் முகாமை திறந்த பெருமை இந்த மத்திய அரசாங்கத்திற்கே சேரும்.இவர்களை போய் ஈழ மக்களுக்கு உதவுங்கள் என்றால் எப்படி செய்வார்கள்.முதலாளிகள் நன்றாக இருக்க வேண்டும் அது மட்டுமே இந்த அரசாங்கத்திற்கு குறிக்கோள். காடுகளில் அமைதியாக வாழ்ந்து கொண்டிருக்கும் பழங்குடி மக்களை அடித்து விரட்டுகிறார்கள் இது என்ன ஜனநாயக நாடா இல்லை சர்வாதிகார நாடா.

சானியா மிர்சாவுக்கு கல்யாணமா இல்லையா என்று வாய் கிழிய பேசி கருத்து கணிப்பு நடத்தும் ஊடகங்கள் இந்த பச்சை வேட்டை என்ற பெயரில் இயற்கைக்கு எதிராகவும் அங்கு வாழ்ந்து வரும் பழங்குடி இன மக்களுக்குஎதிராகவும் நடந்துவரும் நிகழ்வுகளை குறித்து ஏன் ஒரு உண்மை நிலையை வெளியிட வில்லை.
"கனிம நிறுவனங்கள் என்ற சாதுக்கள், இப்பகுதியில் எப்போது குடியேறப் போகின்றனர் என்பது தெரியவில்லை.இந்த ராமாயணமும், கம்பர் எழுதியதைப் போல், முடிவுக்கு வருமா என்பதையும் இப்போது சொல்ல முடியாது. ஏனெனில், இந்த முறை ராட்சதர்கள், நாட்டில் 223 மாவட் டங்களிலிருந்து ஆதிக்கம் செலுத்தி வருகின்றனர்; ராமனின் கைகளும், ஜனநாயகத்தால் கட்டப்பட்டுள்ளன".

இன்றைய தினமலர் செய்திகளில் இப்படி குறிபிட்டுளனர்.கனிம நிறுவனங்கள் எல்லாம் சாதுக்கலாம் அவர்களை எதிர்க்கும் பழங்குடி இன மக்கள் மற்றும் மாவோக்கள் ராட்சசர்கலாம்.தன மண்ணை காப்பதற்கு போராடும் மக்களை ராட்சசர்கள் என்று கூறுவது எப்படி சரியாய் இருக்கும் .மக்களின் உயிரை குடித்து கோடிகளில் புரளும் பரகாசுற நிறுவங்கள் யாவும் தான் ராட்சசர்கள்.தான் பிறந்த மண்ணிற்காக தன உயிரை கொடுத்து போராடுபவர்கள் தீவிரவாதிகள் என்று சொல்லும் இந்த மாதிரி ஊடகங்களை என்ன சொல்ல ?

" வாழ்க ஜனநாயகம் "

பெறு வெடிப்பு கொள்கையால்(பிக் பாங்)யாருக்கு என்ன பயன்?

2010-03-31T09:09:00.003+05:30

சுவிட்சர்லாந்து மற்றும் பிரான்ஸ் நாடுகளின் எல்லை ஓரத்தில் சுவிட்சர்லாந்து நாட்டில் பூமிக்கு அடியில் இருபத்தி ஏழு கிலோமீட்டர் நீளத்திற்கு சோதனை சாலை அமைத்து பிரபஞ்சம் எப்படி உருவானது என்பதை பற்றி சோதனை செய்வதற்கு பலாயிரம் கோடிகளை கொட்டி ஆய்வு மேற்கொண்டு வருகிறார்கள்.இந்த சோதனையின் இராண்டாம் கட்டமும் வெற்றிபெற்றதாக செய்திகள் வெளிவருகின்றன.இந்த சோதனைகள் மூலம் பிரபஞ்சம் எப்படி உருவானது என்பதை ஆராய்ச்சியாளர்கள் கண்டு பிடிக்க முடியும் என்று கூறுகிறார்கள்.என் கேள்வி என்னவென்றால் எதற்கு இந்த பெருவெடிப்பு ஆராய்ச்சி ?

இந்த ஆராய்சிக்காக பூமிக்கு அடியில் பல கிலோமீட்டர்கள் தோண்டி சோதனை கூடம் ஏற்படுத்தி இருகிறார்கள்.இதற்கு ஆனா செலவுகளோ பலாயிரகனக்கான கோடிகளை தாண்டும்.இந்த சோதனை வெற்றி பெற்றாலும் சாதாரண மக்களுக்கு இதில் எந்த பயனும் இல்லை ஒரு சில பெருநிறுவனங்கள் மட்டும் இதில் காசு பார்க்கமுடியும்.மேலும் இயற்கை படைத்த இந்த பூ உலகத்தை பேணுவதை விட்டு அதற்க்கு எதிரான வேலையே மட்டுமே இன்று ஆராய்ச்சி என்ற பெயரால் நடை பெற்றுக்கொண்டு இருக்கிறது.பூமிக்கு அடியில் நடக்கும் இந்த சோதனையால் எதிர்காலத்தில் பூமிக்கு ஆபத்து இல்லை என்றும் உறுதியாக கூற முடியாது. ஏனென்றால் நில நடுக்கம் ஏற்பட்டால் இந்த சோதனை கூடம் பாதிக்கப்படலாம் அதனால் இரும்பு சோதனைகூடத்தில் சுத்திக்கொண்டு இருக்கும் அதிவேக அணுக்கள் வெளிவரலாம் இதன் மூலம் பூமிக்கு பேராபத்து ஏற்படலாம்,போர் ஏற்பட்டு இந்த சோதனை கூடத்தின் மேல் தாக்குதல் நடத்தினால் அதன் மூலமும் இந்த சோதனை கூடம் சேதம் ஏற்பட்டு பூமிக்கு பாதிப்பு ஏற்படலாம்,சோதனை சாலையில் சிறு தவறு நேர்ந்து அதன் மூலம் அணுதுகள்கள் வெளிவந்து பதிப்பை ஏற்படுத்தலாம்.இப்படி எல்லாம் நடக்காது என்பதற்கு என்ன உத்தரவாதங்கள். அதற்காக விஞ்ஞானம் தேவை இல்லை என்று சொல்லவரவில்லை. அணுவை பிளக்க முடியாது என்று அந்த காலத்தில் பாடிவைத்தார்கள் ஆனால் தற்கால மனிதன் அணுவையும் பிளந்தான்.அப்படி செய்ததுதான் புலிவாலை புடித்த கதையாகி போனது.அணுவை பிளந்ததன் மூலம் அதில் வெளிப்படும் ஆற்றலை வைத்து பெரும் அழிவை தரும் அணுகுண்டை மனிதன் கண்டுபிடித்தான்.இன்று அணுவால் நன்மைகளை விட தீமைகளே அதிகம் உலக பெரும் வல்லரசுகள் யாவும் பிற நாடுகளை மிரட்ட தன் அணுகுண்டு கை இருப்பையே கைகாட்டுகின்றனர்.அணு ஆற்றல் மூலம் மின்சாரம் எடுக்கிறார்கள் இதன் பயன் கொஞ்சம் என்றாலும் ஆபத்துகள் அதிகம்.மேலும் அணுகதிர் பாதிப்பு என்பது சில நாட்களில் மறைந்திடகூடியது அல்ல அதன் பாதிப்புகள் குறைய பல நூறு வருடங்கள் ஆகும்.

விஞ்ஞானம் மனிதனை நல்ல வழிப்படுத்துவதாக இருக்க வேண்டும் மேலும் அணைத்து தரப்பு மக்களுக்கும் அது பயன் உள்ளதாக இருக்க வேண்டும்.இந்த பெருவெடிப்பு சோதனை என்னைபொருத்தவரை தேவை இல்லாதது.அதில் கொட்டப்படும் கோடி கணக்கான பணத்தை அடிப்படை வசதி இல்லாத பலகோடி மக்கள் இந்த உலகத்தில் இருகிறார்கள் அவர்களுக்கு பயன்படுத்தாலாம்.மேலும் மனிதன் மனிதனோடு சண்டை இட்டால் அது மனிதர்க்கு மட்டுமே பாதிப்பு இயற்கையோடு சண்டை இட்டால் அது உலகத்திற்கே பாதிப்பு.

இயற்கை கொடுத்த அன்பு பரிசு இந்த பூமி இதை பத்திரமாக பயன் படுத்தினாலே போதும் அதைவிடுத்து இந்த பரிசு எங்கே வாங்கியது எப்படி செய்தது என்று சோதித்தால் இயற்கையும் நம்மை சோதிக்கும்.

சமூக அக்கறை ஊடகங்களுக்கு வேண்டும்

2009-11-05T18:18:00.006+05:30

ஊடகத்துறை இப்பொழுது மிகவும் பெரிய அளவில் வளர்ச்சியை பெற்றுவருகிறது .உலக நிகழ்வுகளை உடனுக்குடன் தருவதில் நீ நான் என்று போட்டிபோட்டு கொண்டு செய்திகளை தருகின்றன .இதனால் இன்று உலக நிகழ்வுகளைஉடனுக்கு உடன் தெரிந்து கொள்ள முடிகிறது .

நமது இந்திய நாட்டில் செயற்கைக்கோள் தொலைக்காட்சி சேவை மிகப்பெரிய அளவில் வளர்ந்து இருக்கிறது .தொலைக்காட்சி,இணையம்,வானொலி என்று பலவிதமான ஊடகங்களும் அடங்கும் .அதிலும் தொலைக்காட்சி என்று எடுத்து கொண்டால் எத்தனை எத்தனை தொலைக்காட்சிகள் உள்ளூர் தொலைக்காட்சி முதல் உலக அளவில் புகழ் பெற்ற ஸ்டார் ,பி.பி.சி வரை.

நமது இந்திய நாடு விவசாயத்தை அடிப்படையாக கொண்டநாடு.பெரும்பான்மையான மக்கள் விவசாயத்தை நம்பியே இருகிறார்கள்.எவ்வளவுதான் நாம் மென்பொருள் துறையிலும் ,மின்னணு துறையிலும் நாம்சிறந்து விளங்கினாலும் விவசாயம் தான் நம் நாட்டின் முதுகெலும்பு.ஆனால் இன்று அந்த முதுகெலும்பு ஒடிந்து கிடக்கிறது .நமது ஆட்சியாளர்களின் தவறான கொள்கைகள் தான் காரணம் .சிறப்பு பொருளாதார மண்டலங்கள் என்ற பெயரில் மண்ணை மாற்றானுக்கு வித்து மண்ணோடு உறவாடிய விவசாயை வெறும் கையோடு நிற்க வைத்தது . மீதம் உள்ள நிலங்களை ரசாயன உரங்களை பயன் படுத்துங்கள் ,வீரிய விதைகளை பயன்படுத்துங்கள் ,பூச்சிக்கொல்லியை அடியுங்கள் என்று விவசாய்களிடம் சொல்லி மண்ணை மலடாக்கியது ,விவசாயி கடனாளி ஆக்கியது.

இந்த ரெண்டுக்கும் என்ன சம்பந்தம் என்கிறீர்களா ?

சொல்கிறேன் .நம் தமிழ்நாட்டை எடுத்துகொள்ளுங்கள் நமது மாநிலம் பெரும்பான்மையாக விவசாய நிலங்களை கொண்டது அப்பொழுது நம் மக்களில் பெரும்பான்மையானோர் விவசாயம் செய்பவர்களே .தமிழுக்கு(தமிங்க்லிஷ் ) தொலைக்காட்சிகள் கிட்ட தட்ட இருபத்தைந்துக்கு மேல் இருக்கிறது .அதில் அரசியல் சார்பு சில தொலைக்காட்சிகள் இருந்தாலும் அவை கட்சினுடைய தொலைக்காட்சிகள் இல்லை கட்சி தலைவர்கள் நடத்தும் தனியார் நிறுவனங்கள் மற்றவை மிகப்பெரிய ஊடக நிறுவங்களின் தொலைக்காட்சிகள் ஆகும் .
சரி இத்தனை தொலைக்காட்சிகளிலும் என்ன ஓளிபரப்பு செய்கிறார்கள் ,திரைப்படங்கள் ,பாடல்கள் ,நகைச்சுவை நிகழ்ச்சி ,நெடுந்தொடர்கள் ,சினிமா சார்ந்த நிகழ்ச்சிகள் போன்றவற்றை மட்டுமே திரும்ப திரும்ப காட்டுகிறார்கள் .
ஊடகம் என்றால் சினிமா மட்டும் தான் என்று ஒரு நிலையை இவர்கள் கொண்டு வந்து விட்டார்கள்.

முன்பு எல்லாம் இரவு நேரத்தில் குடும்பத்தில் அனைவரும் அமர்ந்து ஒன்று கூடி பேசி சிரிப்பார்கள் ஒன்று கூடி உணவு உண்பார்கள் ,ஆனால் இப்பொழுது நிலைமை என்ன குடும்ப உறுவுகளை காட்டுகிறோம் என்று சொல்லி குடும்ப உறவுகளை சிதைக்கும் தொடர்களை ஒளிபரப்பி வருகிறார்கள்.நாம் வாய்விட்டு சிரிபதர்க்கே இன்று திரையில் வடிவேலும் ,விவேக்கும் வரவேண்டியதாக உள்ளது.இன்னும் சில நேரங்களில் மருத்துவம் சம்மந்த பட்ட நிகழ்ச்சிகளை
தொலைக்காட்சி ஊடங்களுக்கு இது மட்டும் போதுமா? கோடிகனக்கானோர் கவனிக்கும் வெகுஜன ஊடகங்கள் மிக பெரிய சமூக அக்கறை இருக்கா வேண்டும் அல்லவா?

மக்களுக்கு உபயோகமாக எவ்வளவு தரமான நிகழ்ச்சிகளை அளிக்கவேண்டும் இவர்கள் .பகுத்தறிவு தலைவர்களின் ஆட்சி இது ஆனால் அவர்களின் தொலைக்காட்சியோ மானுக்கும் மயிலுக்கும் மல்லு கட்டி கொண்டு இருக்கிறது.

ஆடி கலைத்த நடிகைகளை கூட்டி குத்தாட்டம் போடுவதற்கு பதிலாக அழிந்து கொண்டு இருக்கும் நம் நாட்டு புற கலைகளை வளர்க்கும் நிகழ்ச்சிகளை தந்தால் எவ்வளவு நன்றாக இருக்கும் .கோட்டு சூட்டு அணிந்தவர்களிடம் பேட்டி எடுக்கும் இவர்கள் கோவணம் கட்டியவனை நீங்கள் கவனித்ததுண்டா .விவசாயம் சார்ந்த நமது பகுதிக்கு விவசாயம் தொடர்பான நிகழ்ச்சிகளை இவர்கள் வழங்கியதுண்டா?

இல்லை இல்லை என்று தான் சொல்ல வேண்டும். கோடிகளில் லாபம் சம்பாதிக்கும் இவர்களுக்கு கோவணம் கட்டியவர்களை பற்றி சிந்திக்க நேரம் இருக்குமா ?

மக்களின் நேரத்தை வீனடிபதற்கு பதிலாக விவசாய்கள் பயன் பெரும் அளவுக்கு விவசாயம் சார்ந்த தொழில் வாய்புகள் மற்றும் விவசாயத்தின் இன்றைய நிலயை நிகழ்ச்சிகளை வழங்கினால் எத்தனை லட்சம் மக்கள் பயன் பெறுவார்கள்.விவசாயத்தை பற்றி இன்றைய தலைமுறைக்கு எந்தளவுக்கு தெரியும்.கடையில் காசுகொடுத்தால் பொருள் கிடைக்கும் என்று மட்டும் தான் தெரியும்.

மறைந்து கொண்டு இருக்கும் நமது பாரம்பரிய விவசாயத்தை மீட்டு எடுப்பதில் நம் ஆட்சி ஆளர்களுக்கு எவ்வளவு கடமை இருகிறதோ அதே அளவுக்கும் இந்த ஊடகங்களுக்கும் இருக்கிறது .இந்த வகையில் மக்கள் தொலைக்காட்சி மற்ற தொலைக்காட்சி அலைவரிசைகளில் மாறுபட்டு நமது கலாச்சாரம்,பண்பாடு ,விவசாயம் சார்ந்த நிகழ்ச்சி களை வழங்கு கிறது .இந்த பொறுப்புணர்வு மற்ற ஊடகங்களுக்கும் வரவேண்டும்.

என்னமா கேள்வி கேக்குது பயபுள்ள -நீண்ட இடைவெளிக்கு பின் மீண்டும்

2009-11-04T22:15:00.005+05:30

கீழ விதவிதமா போஸ் குடுத்துட்டு உட்காந்துட்டு இருக்கிறது என்னுடைய மாமா பொண்ணுங்க .நல்ல சுட்டி சரி கேமரா -வுக்கு போஸ் குடுன்னு சொன்னதுதான் பாக்கி எப்படி உட்காந்து வேலை செய்ற மாதிரி போஸ் கொடுக்குது பாருங்க .

நான் பதிவு எழுதி அஞ்சு மாசம் ஆச்சுங்க .சில பல காரணங்களால என்னால தொடர்ந்து எழுத முடியல .இதுவரை என வலைத்தளத்திற்கு வந்து நலம் விசாரித்த அனைத்து உள்ளங்களுக்கும் நன்றி .

சிரிப்பு சிரிப்பா வருதுங்க -நகைச்சுவை

2009-07-09T08:56:00.011+05:30

மக்களின் நன்மைக்காகத்தான் இந்த விலை ஏற்றம்
அமைச்சர்

அண்ணன் தம்பி பாசம்

என்ன பேசிக்கறாங்க

வருங்கால முதல்வர் காரசார பேட்டி

மக்களாட்சியில் அடுத்த அதிரடி

இந்த டிவி பழைய மாடல்

முதல் முயற்சி நல்ல இருக்குங்களா .

(ராஜபக்சேவின் போட்டோ வை தவிர மற்றவை எல்லாம் கற்பனையே யாரையும் புண் படுதுவதர்கல்ல)

மறக்காம ஒட்டு போட்டு உங்க சனநாயக கடமைய நிறைவேத்துங்க

அடுத்த ஆண்டில் கூகிள் ஆபரேடிங் சிஸ்டம் -கூகிள் அறிவிப்பு

2009-07-08T19:37:00.006+05:30

கூகிள் இன்று புதிய அறிவிப்பு ஒன்றை வெளியிட்டு உள்ளது .அடுத்த ஆண்டு நடுவில் கூகிள் (Chrome OS) ஆபரேடிங் சிஸ்டம் வெளியிடுகிறோம் என்று அந்த அறிவிப்பில் தெரிவிக்க பட்டுள்ளது.ஓபன் சோர்ஸ் முறையில் அந்த (os) இயங்கும் என்று அறிவிக்க பட்டுள்ளது.மேலும் இந்த புதிய (os)லைட் வெயிட் ஆகா இருக்கும் லினக்ஸ் கெர்னலை அடிபடையாக கொண்டு உருவாக்கப்படும் என்றும் தெரிவித்துள்ளது. இது முற்றிலும் புதிய ப்ராஜெக்ட் கூகிள் (android) லிருந்து வித்யாசபடும் என்றும் அறிவித்துள்ளது .

புதிய இயங்குதளம் மூலம் இணையம் தொடர்பான சேவைகளை உடனடியாக பெறமுடியும் என்றும் .மேலும் வைரஸ் போன்ற பிரச்சனைகளையும் தவிர்க்கும் வகையில் இந்த இயங்கு தளம் உருவாக்கப்படும் என்று தெரிகிறது. இந்த இயங்குதளத்தின் முக்கிய குறிக்கோள் வேகம்,பாதுகாப்பு,எளிமை. அதாவது இந்த புதிய (os) இயக்குவதற்கு வேகமாகவும் ,வைரஸ் போன்ற பிரச்சினைகளில் இருந்து பாதுகாப்பாவும் ,பயன்படுத்துவதற்கு மிக எளிமையாகவும் இருக்கும்.இந்த இயங்கு தளம் இணையத்தை அடிபடையாக கொண்டு இயங்கும் என்றும் அதனால் ஏற்கனவே உள்ள இணையம் தொடர்பான (web based applications)மென் பொருட்கள் எந்த மாற்றமும் செய்யாமல் இதில் இயங்கும் என்றும் தெரிவித்துள்ளது. அடுத்த ஆண்டு நடுவில் (netbooks)இக்கு கூகிள் கிரோம் (0s)வெளியிடப்படும் பின்பு ஆல்பா பதிப்பு வெளியிட்டு பல்வேறு விதமான சோதனைகள் மேற்கொள்ள படும் என்று கூறியுள்ளது .

கூகுளின் இந்த அதிரடி அறிவிப்பால் மைக்ரோசாப்ட் நிறுவனத்துக்கும் கூகுளுக்கும் கடும் போட்டி நிலவும்.கூகுளின் சவாலை மைக்ரோசாப்ட் சமாளிக்குமா ? என்பதை பொறுத்து இருந்து பார்போம் .

மேலும் தகவல்களுக்கு கூகுளின் ப்ளாக் சென்று பார்க்கவும்.
-http://googleblog.blogspot.com/2009/07/introducing-google-chrome-os.html

யூத் புல் விகடனில் எனது பதிவு -நன்றி விகடன்

2009-07-07T23:58:00.005+05:30

பதிவுலக சொந்தங்களே எனது பதிவு இன்று யூத் புல் விகடன் இணைய தளத்தில் வெளியாகி உள்ளது .ரொம்பவும் மகிழ்ச்சியாக உள்ளது எனது பதிவை வெளியிட்ட விகடனுக்கு மனமார்ந்த நன்றி.

மாட்டு வண்டி -நினைவுகள்

மேலும் தமிழ் திரட்டிகள் மூலம் அதரவு அளித்த சொந்தங்களுக்கு என் நெஞ்சார்ந்த நன்றிகள் .

மாட்டு வண்டி -நினைவுகள்

2009-07-07T15:49:00.006+05:30

படம் உதவி நன்றி மதிமாறன்

மாட்டு வண்டி என்று சொன்னால் கிராமங்கள் தான் நினைவுக்கு வரும் முதலில் .இன்று கிராமங்களில் மாட்டு வண்டிகள் குறைந்து டிராக்டர் வாகனம் வந்து விட்டது .ஆனாலும் விடாப்பிடியாக இன்னும் சில பேர் மாட்டு வண்டி வைத்து கொண்டு விவசாயம் பார்த்து கொண்டுதான் இருகிறார்கள் .மாட்டு வண்டி ஓட்டுவது ஒரு கலை மாட்டின் சுபாவத்திற்கு ஏற்ப அதை அதட்டி ஓட்டுவார்கள்.

நான் சின்ன வயதில் என் அப்பிச்சி வீட்டில் இருந்துதான் பள்ளிக்கூடம் போவேன்.அப்பொழுது எங்கள் அப்பிச்சி வீட்டில் மாட்டு வண்டி இருக்கும் அப்பா எல்லாம் தேங்காய் எடுப்பது ,குப்பை அள்ளுவதற்கு மாட்டு வண்டியை தான் பெரிதும் பயன்படுத்துவார்கள் .அதனால அடிக்கடி மாட்டு வண்டிக்கு வேலை இருந்துகொண்டே இருக்கும் .தோப்பில் தேங்காய் எடுக்க போகும் பொழுது வெறும் மாட்டு வண்டியாதான் போகும் அதனால நானும் எங்க சின்ன மாமனும் வண்டியில் ஏறி கொள்வோம் .எங்க அப்பிச்சி தான் மாட்டை பூட்டி வண்டியை கிளப்புவாரு .அப்படி போகும் பொது என்ன சந்தோஷம் ஆய் ஊய் என்று சத்தம் போட்டு கொண்டே போவோம்.மாட்டு வண்டி தேங்காய் எடுக்குற பக்கம் போயிடுச்சா அப்படியே எட்டி குதுசுட்டு ஆளுக்கு ஒரு தேங்காய் எடுத்து வண்டிக்குள்ள போடுவோம்.

தேங்காய் வண்டில தேங்காய் நரம்பிடுசுன மறுபடியும் கெளம்பும் வீட்டுக்கு நானும் எங்க சின்ன மாமனும் தேங்காய் மேல ஏறி உட்காந்துகுவோம்.அப்புறம் மாட்டு வண்டி வெறுமனே போயிட்டு இருக்கும் பொழுது ரெண்டு கையையும் பலகையிலிருந்து எடுத்து விட்டு எதையும் புடிக்காம நிக்கணும்னு போட்டி வைப்போம் .அப்படியே மெதுவா எந்துருச்சு நின்னு ரெண்டுகையும் எதையும் புடிக்காம நின்ன வரும்பாருங்க ஒரு பயம் அப்பா ஒரே சத்தம் வண்டிக்குள்ள . எங்க அப்பிச்சி திரும்பி பார்த்துட்டு கம்முனு உட்காரமாடீங்கள அப்படீன்னு சொல்லிட்டு மாடுகளை விரட்டும் .

அப்பிடி இல்லையா இப்ப பூங்கவுல குழந்தைகள் விளையாடுமே (see saw) அது போல முன்னடியிருகுற நொகம் அப்படீனு சொல்லுவாங்க அதுல உட்கார்ந்துட்டு விளையாடுவோம் .அதுக்கும் நீமுந்தி நா முந்தினு ஒரே ரகளையா இருக்கும்.

அப்பெல்லாம் ஒரு ஊருக்கு போரதுன கூட மாட்டு வண்டிதான் .கோயிலுக்கு போகனுமா மாட்டு வண்டி தான் அதுவும் கோயிலுக்கு போயிட்டு வரப்ப பொறி கடலை வாங்கி கலந்து ஆளுக்கு ஒரு வாய் அள்ளி போட்டுட்டு பேசி கொண்டே வருவோம் .அப்பா எல்லாம் கோயில்விழா என்றால் மாட்டு வண்டிதான் பிரதான வாகனம் குடும்பமாய் போவார்கள் வண்டி பூட்டிட்டு.

அந்த கனத்தை நினைத்து பார்த்தல் எவ்வளவு சந்தோஷம் .நான் பள்ளி மேல் வகுப்பு செல்ல செல்ல மாட்டு வண்டியும் என்னை விட்டு விலகிக்கொண்டே சென்றது .அதன் அருமை அப்பொழுது தெரிய இப்பொழுது தெரிகிறது அதன் அன்யோன்யம் .டிராக்டர் வந்து மாட்டு வண்டியின் உபயோகத்தை பெருமளவு குறைத்து விட்டது. இன்னும் சொல்ல போனால் நமது நாட்டு மாடுகளே குறைந்து விட்டன எல்லாம் கலப்பின மாடுகள் தான் .எங்கள் வீட்டில் கூட தாத்தா இருந்த வரைக்கும் நாட்டு மாடுகள் தான் அதிகமா வளர்ப்பார் .பின் அவர் இறந்து விட நாட்டு மாடுகள் வளர்க்கும் பழக்கம் போய் உழுவதற்கு எல்லாம் இப்பொழுது எங்கள் வீட்டில் டிராக்டர் தான்.

மீண்டும் வருமா மாட்டுவண்டி என் நினைவுகளை சுமக்க.

என்னமோ போங்க

2009-07-07T12:39:00.003+05:30

என்ன பண்றாங்க ஏது பண்றாங்க ஒரு மண்ணும் புரிய மாட்டிங்குது.மெத்த படிச்சா மேதாவிகள் வருசத்திற்கு ஒரு முறை பட்ஜெட் தாக்கல் பண்றாங்க நம்ம பாராளுமன்றத்தில.கோட்டு,சூட்டு போட்டு கிட்டு கைல ஒரு தோல் பையா வச்சுகிட்ட டிவி காரங்க காமெராவுக்கு முன்னாடி பொட்டிய தொக்கி காட்டு உள்ளார போறாங்க.போய் அந்த பட்ஜெட் தாக்கல் பண்ணிட்டு ,இது ஏழைகளுக்கான பட்ஜெட் ,விவசாய மக்களுக்கு ஆனா பட்ஜெட் ,மக்களுக்கு ஆனா பட்ஜெட் அப்படீனு வெளில வந்து சொல்லறாங்க.பெரிய பெரிய டிவி காரங்களும் நாலஞ்சு மேதாவிகளை கூட்டிட்டு வந்து உட்கார வச்சு ஒரு வாரத்துக்கு பட்ஜெட் பத்தி பேசறாங்க .

அப்புறம் ஆளுங்கட்சி அரசியல் வாதிகள் இது நான் பார்த்ததிலே மிக சிறந்த பட்ஜெட் ,மக்களுக்கான பட்ஜெட் என்று சொல்லுவாங்க.எதிர்க்கட்சி காரங்க என்ன சொல்லுவாங்க இது மக்களுக்கு மேலும் சுமை அளிக்க கூடிய பட்ஜெட் ,தொலைநோக்கு திட்டங்கள் எதுவும் இல்ல என்று சொல்லுவாங்க.சரி விடுங்க

இப்ப என்னுடைய கேள்வி என்னன்னா இத்தன வருசமா பட்ஜெட் போடுறீங்களே ஏன் ஏழை இன்னும் ஏழையாகவே இருக்கிறான்?விவசாய் துறைக்கு இவ்வளவு நிதி அப்படீனு சொல்வீங்க அப்புறம் ஏன் விவசாய் தற்கொலை செஞ்சுகுறாங்க? ஏழை களுக்கான பட்ஜெட் சொல்லறீங்க ஆனா பணக்கறாங்க மேலும் பணக்காரங்க ஆகிகிட்டு இருகாங்க ஏழை மென்மேலும் ஏழை ஆகிட்டு இருகாங்க? ஏன் இந்த பொருளாதார இடைவெளி?அதுல வரி குறைப்பு இதுல வரிகுறைப்பு அப்படீனு சொல்றீங்க ஆனா இங்க விலை வாசி விர்ருனு ஏறிட்டு இருக்கு அது எப்படி சாமி?

இதுக்கு விடை தெரிஞ்ச யாரவது எனக்கு புரியிற மாதிரி சொல்லுங்கோ.

கூகிள் இணையதளத்தால் பூமியின் சுற்று சூழலுக்கு பாதிப்பா?

2009-07-04T09:21:00.007+05:30

இணைய உலகத்தில் முடிசூட ராஜாவான கூகிள் இணையதளத்தை பற்றி இணையம் உபயோகிக்கும் அனைவரும் தெரிந்து இருப்போம்.நாம் தேடும் தகவல்களை வினாடிக்கும் குறைவான நேரத்தில் நமது கண்முன்னே தகவல்களை கொண்டு வந்து கொட்டுகிறது .மற்றும் அதன் பல்வேறு விதமான சேவைகளால் பெரும்பாலான இனணயம் உலவும் மக்களை தன் பக்கம் ஈர்த்து வருகிறது .பிரமாண்ட தொழில் நுட்பத்தில் மிக எளிய நடையில் அனைவரும் பயன் படுத்துமாறு அதன் ஒவ்வொரு சேவையும் இருக்கிறது .இப்படி பல்வேறு புகழுக்கும் ராஜாவான கூகிள் தனது சர்ச் என்ஜின் சேவையால் பூமியின் சுற்று சூழலுக்கு பாதிப்பு ஏற்படுத்துகிறது எப்படி ?

அதாவது நமக்கு ஏதேனும் தகவல் தேவை பட்டால் நாம் உடனே செல்வது கூகிள் தேடுபொறியை தான் .உதாரணத்திற்கு ஒரு மென்பொருளை பற்றி தேடுகிறோம்" மென்பொருள் " என்று அடித்தவுடன் கூகிள் தனது ஒரு சர்வருக்கும் மட்டும் சென்று தேடாது பல்லாயிரம் மயில்களுக்கு அப்பால் உள்ள மற்ற சர்வேர்களிலும் மென்பொருள் குறித்த தகவல் இருக்கிறதா என்று தேடும் .அப்படி தேடும் வேகம் நொடிக்கும் குறைவானதே அந்த அளவிற்கு கூகிள் உள்கட்டமைப்பு வசதிகளை நவீன தொழிநுட்பத்தில் வைத்துள்ளது.அப்படி நாம் தேடும் தகவலை நம்மிடம் அதிவேகத்தில் கொண்டு வந்து சேர்ப்பதற்கு கூகிள் அதிக அளவு மின்சாரத்தை எடுத்துகொள்கிர்றது. இந்த ஒரு நிகழ்வால் மட்டும் அதாவது நாம் தேடும் ஒரு தகவல்களுக்கு (7g)அளவுக்கு கரிமில வாயுவை வெளியிடுகிறது (co2).

அதாவது ஒவ்வொரு ரெண்டு தேடலுக்கும் கூகிள் வெளியிடும் கரிமில வாயுவின் அளவு எவ்வளவு தெரியுமா? ஒரு கப் தேநீர் தயாரிக்க எவ்வளவு எரிபொருள் வேண்டுமோ அந்த அளவிற்கு .ஒரு கப் தேநீர் தயாரிக்கும் பொழுது
(15g)கரிமில வாயு (co2).

கூகிள் தந்து அதிவேக தேடலுக்கு உலகத்தில் பல இடங்களில் தனது சர்வர்களை(data centres) நிறுவியுள்ளது.இதன் மூலம் ஒரு நாளில் இணயத்தில் தேடப்படும் தேடல்களில் நாற்பது சதவிகிதம் கூகிள் தேடுபொறி மூலம் மட்டும் மேற்கொள்ள பட்டு வருகிறது .இதன் மூலம் எவ்வளவு மின்சக்தி செலவிடப்படும் என்று கணக்கிட்டு கொள்ளுங்கள் .பூமியின் சுற்று சூழல் இதன் மூலம் மேலும் வெப்பமடையும் .மேலும் தகவல்களுக்கு
(http://enews.toxicslink.org/news-view.php?id=52)(Issue 9
January , 2009)
(http://www.financialexpress.com/news/Google-searches-affect-environment/409508/)

அனால் கூகுளின் அங்கீகரிக்கப்பட்ட வலைப்பூவில் அவர்கள் சொல்வதோ -நாங்கள் எங்களது பொறியாளர்களின் கடின உழைப்பில் மேம்படுத்தப்பட்ட குறைந்த அளவே மின்சக்தி உபயோகிக்கும் (data centres)சர்வர்களை அமைத்துள்ளதாக அறிவித்துள்ளனர் .இந்த மேம்படுத்தப்பட்ட தொழில் நுட்பத்தால் முன்பை விட ஐம்பது சதவிகிதம் குறைவாக மின்சக்தி உபயோகிக்கப்படும் என்று கூறியுள்ளனர்.மேலும் மின்சக்தி உபயோகத்தை குறைக்க பல்வேறு விதமான முறைகளை கையாண்டு வருகிறோம் என்று கூறியுள்ளனர்.http://googleblog.blogspot.com/
http://www.google.com/corporate/green/clean-energy.html

நாம் பயன் படுத்தும் கணினி கூட அதிக அளவு வெப்பத்தை ஏற்படுத்து கின்றது .அதனால் தேவை இல்லாத நேரத்தில் கணினியின் இயக்கத்தை நிறுத்தி வைப்பது நல்லது .

(blackle.com) என்ற இணயதளம் ஆஸ்திரேலியா நாட்டை சேர்ந்த ஹீப் மீடியா என்ற நிறுவனம் நிறுவி உள்ளது .இது ஒரு தேடுபொறிக்கான தளம் அடிப்படையில் கூகிள் இணையதளத்தின் தொழில்நுட்பத்தை கொண்டுள்ளது.இணயதளத்தில் நாம் தேடல் மேற்கொள்ள படுவது மூலம் குறிப்பிட்ட அளவு மின்சக்தியை நாம் சேமிக்க முடியும் என்று அந்த இணயதளம் கூறுகின்றது .

எது எப்படியோ நாமும் நம்முடிய சார்பில் வெப்ப மாயம் ஆவதை தடுக்க சிறு சிறு முயற்சிகளை மேற்கொள்வோம்.

அட படிச்ச முட்டாள்களே

2009-07-02T23:43:00.003+05:30

நம்ம மத்திய அரசாங்கம் கொஞ்சா நாளைக்கு முன்னாடி ஒரு சட்டம் கொண்டு வந்தங்கல்ல அது உங்களுக்கு நியாபகம் இருக்க இல்லையா .அதாவது பொது இடத்தில் யாரும் புகை பிடிக்க கூடாது,மீறினால் அபராதம் என்று முன்னாள் மத்திய சுகதாரத்துறை அமைச்சர் அன்புமணி ஒரு சட்டம் கொண்டு வந்தாருங்க நிறைய பேருக்கு அந்த சட்டம் மறந்து போயிருக்கும்.அந்த சட்டத்தை பத்தி வாய்கிழிய ஊரெல்லாம் ரெண்டு நாள் பேசுனாங்க மூணாவது நாள் பழைய குருடி கதவை திறடி என்ற கதையாய் அவ அவன் பொது எடத்துல நின்னு புகை பிடிச்சுட்டு இருக்கான்.

இப்ப எதுக்குடா நீ படிச்சவங்களை வம்புக்கு இழுக்குறே அப்படீனு கேக்குறீங்களா? படிச்சவங்க எப்ப பார்த்தாலும் படிக்காதவனை கண்டால் ஒரு இளக்காரமா ஒரு பார்வை பார்பான் என்ன அவன் அறிவு கம்மி எத சொன்னாலும் புரிசுக்க மாடீங்கறான் .சரி நாம படிச்சவுங்க தானே நம்மக்கு எது சொன்னாலும் புரியும் தானே.அப்புறம் ஏன் இன்னும் பொது இடத்துல புகை பிடிக்கறீங்க.

நாலு எழுது படிச்ச நாம அரங்சாங்கமோ அல்லது வேறு ஏதாவது ஒரு சமுதாய அமைப்போ தப்பு செஞ்சுட்ட வாய்கிழிய அவுங்கள பத்தி குறை சொல்ல்றோம் அல்லது திட்டுகிறோம்.ஆனா அரசாங்கம் இந்த பொது இடத்தில் புகை பிடிக்க தடை என்ற சட்டம் எதுக்கு போட்டாங்க.

1)பொது இடத்துல புகை பிடித்தால் உன்னை மட்டும் பாதிக்காது உன்ன சுத்தி இருகரவங்களையும் பாதிக்கும் அதனால் அந்த சட்டம் போட்டாங்க.
2)இதனால் என்ன நன்மை சுற்றுசூழல் மாசு அடைவது சிறிதளவேனும் குறிக்கிறது.
3)இந்த சட்டதினால பொது இடத்தில் முக்கியமா ,கடைகள் ,பேருந்து நிறுத்தங்கள்,பூங்காக்கள் போன்ற இடங்களில் குழந்தைகள், பெரியவர்கள்,மற்றும் நோயுற்றவர்கள் போன்றவர்களும் இருப்பார்கள் அந்த கெட்ட நாற்றத்தில் இருந்து அவர்கள் இதனால் பெரிதும் பயன் அடைவார்கள்.

மொத்தத்தில் புகை பிடிகிறதை சுத்தமா நிறுத்தி விட்டால் உடலுக்கு இன்னும் நன்மை
இப்படி இன்னும் ஏராளமான நன்மைகள் சொல்லிடே போகலாம் .

இப்ப சென்னை பெரு நகரத்தில நெறைய இடங்களில் பார்த்து இருக்கிறேன் முக்கியமா மென்பொருள் நிறுவனத்தில் வேலை பார்பவர்கள் இன்னும் பிற அலுவகங்களில் வேலை பார்பவர்கள் அலுவலங்களுக்கு பக்கத்தில் இருக்கும் கடைகளில் போய் சிகரெட் போன்றவற்றை வாங்கி சாலை ஓரங்களில் நின்று புகைத்து கொண்டு இருகிறார்கள் .என் படிக்கும் கல்லூரி மாணவர்கள் கூட பொது இடத்தில் தான் இன்னும் புகைத்து கொண்டு இருகிறார்கள் .இன்னும் சொல்ல போன சட்டத்தை காவல் காக்க வேண்டிய காவலர்களே அந்த தப்ப பண்ணிட்டு இருக்காங்க .

இவங்க எல்லாம் மெத்த படிச்சவங்க தானே அரசாங்கம் புதுசா வரி போட சட்டம் கொண்டு வந்த ஆய் ஊய் கூச்சல் போடறவுங்க தானே.இந்த பொது இடத்தில புகைக்க தடை என்ற சட்டத்தை ஏன் பின்பற்ற தெரியல .அப்படி செஞ்சா அவுங்க உடம்புக்கும் நல்லதுதானே.அதுமட்டுமா புகையால் ஏற்படும் தீமைகளையும் நீங்க மத்தவங்களுக்கு சொல்லி புரிய வைக்க முடியும்.

கிராமத்துல சொல்லுவாங்க படிக்காதவனை விட படிச்சவங்க தான் இப்ப அதிகமா தப்பு பண்றாங்கன்னு.

தெரிந்ததே தப்பு செய்கிறவர்கள் படித்த முட்டாள்கள் தானே ?

தமிழ் சினிமாவும் -சசிகுமார் என்ற கலைஞனும்

2009-06-29T11:23:00.009+05:30

தமிழ் சினிமாவின் முகம் மெல்ல மெல்ல மாறிக்கொண்டு இருக்கிறது ,அந்த முகத்தை மாற்றுவது யார் பல புதுமுக இயக்குனர்களும் ,சினிமா ரசிகர்களும் தான் .முன்னெல்லாம் சினிமா என்றால் கதாநாயகனை மட்டும் முன்னிறுத்தி படத்தை எடுத்து கொண்டு இருந்தார்கள் (இன்றும் சில திருந்தாத ஜென்மங்கள் அப்படிதான் எடுத்து கொண்டு இருகிறார்கள் ).நடிகர்களுக்கு ஏற்ற கதைகள் போய் கதைக்கு ஏற்ற நடிகர்கள் தான் தேவை என்ற நிலைக்கு தமிழ் சினிமாவுலகம் வந்துள்ளது என்று சொல்லலாம்.பிரம்மாண்டம் என்பது கதயே தவிர அதில் நடிக்கும் நடிக,நடிகர்களாக இருக்க வேண்டிய அவசியம் இல்லை என்று தற்பொழுது வந்த சில வெற்றி படங்களே உதாரணம் .

தொழில் நுட்பத்தில் எவ்வளவோ முன்னேறிவிட்ட தமிழ் திரை உலகம் அதை வைத்து கொண்டு படத்தை ஒட்டி விடலாம் என்று நினைத்து கதையே இல்லாமல் காலை தேய்த்து நடுக்கும் பொழுது தீபொறி வருமாறு செய்வதும் ,மூச்சுக்கு முன்னூறு தடவை பொறி பறக்கும் வசனங்கள் பேசுவதும் இப்பொழுது எடுபடுவதில்லை.எதார்த்தமான கதை,ஒரு பகுதியின் கலாச்சாரம்,மொழி ,ஆகியவற்றை பிரதிபலிக்கும் படங்களே வெற்றிநடை போடுகின்றன.ஓவரான பில்ல்டப்புகளை ஓட ஓட விரட்டு கின்றனர்.இந்த மற்றம் தான் தமிழ் சினிமா விற்கு நல்லது.

இப்ப சசிகுமாரை பற்றி பாப்போம் கடந்த ஆண்டு எவரும் எதிர்பார்கவன்னம் சுப்ரமணியபுரம் என்ற படம் தமிழ் திரை உலகத்தில் மிக பெரிய அதிர்வை ஏற்படுத்தியது. புதுமுக நடிகர்கள்,புதுமுக இசை அமைப்பாளர் என்று பெரும்பாலும் புதுமுகங்கள் நடித்த இந்த படம் சக்கை போடு போட்டது .அதை தயாரித்து இயக்கி,ஒரு நடிகராகவும் அந்த படத்தில் நடித்து வெற்றி பெற்றுள்ளார்.யாரும் இந்த படத்தின் கதையை தயாரிக்க முன்வராத காரணத்தினால் தானே தயாரித்தார்.இந்த படம் சினிமாவில் ஒரு மலர்ச்சியை ஏற்படுத்தியது .

இந்த வருடம் வெளியான பசங்க படத்தை எடுத்து மறுபடியும் தான் ஒரு சிறந்த தயாரிப்பாளர் என்று நிருபித்து விட்டார்.இவர் தயாரித்த பசங்க படம் வேறு சில தயாரிப்பாளர்களால் நிராகரிக்கப்பட்டு கடைசியில் இவரிடம் வந்து சேர்ந்தது.அதை அப்படியே தயாரித்து நல்ல கதை அம்சம் கொண்ட படங்களின் தயரிப்பாளர் என்ற நற் பெயரையும் வாங்கியுள்ளார் .அதோடு நின்றார நாடோடிகள் படத்தில் மறுபடியும் நடித்து அந்த படமும் வெற்றி கரமாக ஓடிக்கொண்டு இருக்கிறது .ஒரு தயாரிப்பாளராகவும் ,ஒரு இயக்குனராகவும் ,ஒரு நடிகர்ரகவும் வெற்றி பெற்றுள்ள சசிகுமாரை எவ்வளவு பாராட்டினாலும் தகும் .சசிகுமாரின் இந்த வெற்றி தொடர என் வாழ்த்துக்கள் .

கூகிள் தளத்தை முடக்கிய மைக்கேல் ஜாக்சன்

2009-06-26T21:49:00.008+05:30

அமெரிக்கா பாப் பாடகர் மைக்கேல் ஜாக்சன் மரணத்தை பற்றி செய்தி அறிய இணயத்தில் அதிக அளவு கூகிள் தளத்தை பயன்படுத்தியதால் கூகிள் செய்தி தளத்திற்கான சர்வர்கள் அறை மணி நேரம் ஸ்தம்பித்து விட்டது .இதனால் கூகிள் சர்வர் சிறிது நேரம் செய்திகளை அளிப்பதில் சிறிது தடங்கல் ஏற்பட்டது.

இதே போல் தற்பொழுது அதிக அளவில் பிரபலமாகி வரும் (twitter) இணையதளமும் ஸ்தம்பித்து விட்டது . இங்கிலாந்து நாட்டை சேர்ந்த (B.B.C) இணையத்தளம் இன்று நாற்பத்தி ஆறு சதவிகிதம் வரை டிராபிக் உயர்ந்துள்ளது என்று அறிவித்துள்ளது . செய்திக்காக உலக அளவில் பிரபலாமான இணையதளங்களிலும் இதே நிலைமை தான்.

அந்த நபரின் இறந்த செய்தியை முதலில் அறிவித்தது (www.tmz.com)என்ற இணையத்தளம் .இந்த செய்தி படி படியாக சோசியல் நெட்வொர்க் தளங்களில் பரவி பின்பு வலைத்தளங்கள் மூலமாக உலகம் முழுதும் அதிக அளவில் சென்றடைந்தது .

இன்று கூகிள் (Trends) அதிக் அளவு தேடப்பட்ட தகவலும் மறைந்த பாப் பாடகரை பற்றியதே.இன்று முழுவதும் இணையம் மூலம் விவாதிக்கப்படும் பத்து முக்கியமான தலைப்புகளும் மைக்கேல் ஜாக்சன் பற்றியதே.

ஐ .நா சபையும்- நம்ம ஊரு போலீசும்

2009-06-25T22:59:00.005+05:30

(யாரையும் புண்படுத்தும் நோக்கத்தில் எழுதவில்லை)

ஐ.நா சபை -நம்ம ஊரு போலீஸ் ஓர் ஒப்பீடு

ஐ.நா. சபை உலக பிரச்னைக்கு பஞ்சாயத் பண்றதுக்கு ஆரம்பிச்ச ஒரு அமைப்பு.

நம்ம போலீஸ் உள்ளூரு பஞ்சாயத்து பண்றதுக்கு ஆரம்பிச்ச அமைப்பு.

ஐ.நா. சபைய பார்க்க போகனும்னா பிளைட் புடுச்சு அமெரிக்காவுக்கு போகணும்

நம்ம போலீச பார்க்க போகனும்னா அஞ்சு குயர் பேப்பர் வாங்கிட்டு போகணும் பார்த்த பிறகு குளிர் காலமா இருந்த டி காபி வாங்கி கொடுக்கணும் ,வெயில் காலமா இருந்த ஆப்பிள் ஜூஸ் ,ஆரஞ்சு ஜூஸ் வாங்கிகொடுக்கணும் (அவ்வளவுதான்)

ஐ .நா. சபை ஆரம்பிக்க பட்டது உலக நாடுகள் பிரச்சனை முக்கியமா போர் பிரச்சனை தீர்பதற்கு ஆனா இப்பவும் போர் நடந்து தான் இருக்கு.

நம்ம போலீஸ் வேலைக்கு போட்டது கொலை கொள்ளை போன்றவற்றை தடுக்க ஆனா இப்பவும் நடந்துட்டு தான் இருக்கு.

ஐ .நா. சபை போர் நடந்து முடுஞ்ச பிறகு பிளைட்ல உணவு பாக்கெட் போடுவாங்க. (இருக்கிறவன் எல்லாம் செத்த பொறவு யாருக்கு போடரான்குனு தெரியல)

நம்ம போலீஸ் கொலை ,கொள்ளை நடந்த பிறகு தான் அந்த இடத்துக்கே வருவாங்க .

ஐ .நா. சபைல போர் நடக்கற பொழுது போர்டுக்கும் நாட்டின் மீது கண்டனம் தெரிவிச்சு தீர்மானம் மட்டும் நிறைவேதுவாங்க(அவ்வளவுதான் ).

நம்ம போலீஸ் கேஸ் கொடுக்க போனம்னா புகாரை மட்டும் வாங்கிக்குவாங்க விசாரணை எல்லாம் பண்ண மாட்டாங்க. (சில சமையம் புகாரை எழுதி ஏன் பேப்பர் ர வெட்டியா தீகனும்னு விட்ருவாங்க)

ஐ .நா. சபை எப்பவும் கென்யா ,காங்கோ போன்ற குட்டி குட்டி நாட்ல தப்பு நடந்த உடனே பொய் பேசி தீர்த்துட்டு உலக அமைதிக்கு நாங்க என்றும் பாடுபடுவோம் அப்படீனு சொல்லிடு திரிவாங்க .(குட்டி நாடுகளின் பட்டியலில் இலங்கை வராது)*

நம்ம போலீஸ் எப்பவும் கொலை செய்றவனை ஜீப்ல ஏத்தி உட்டுட்டு பிக் பாக்கெட் அடிக்கறவன்,குழந்தை களிடம் முட்டைய புடுங்கி திங்கறவன் போன்றவர்களை புடுச்சு உள்ள போட்டுட்டு சட்டம் தன் கடமையை சரியா செய்யும் என்று நியூஸ் பேப்பர் காரங்களுக்கு பேட்டி கொடுக்கறது.

ஐ .நா. சபைல அவுங்க ஆதரவு வேணும்னா ஒட்டு வேணும்.

நம்ம ஊரு போலீஸ் ஆதரவு வேணும்னா நோட்டு வேணும் .(அதாங்க பணம் வேணும் )

ஐ.நா. சபைகிட்டேயும் படை இருக்கு அமைதி படைன்னு இருக்குனுதான் பேரு அதனால எப்பவும் அமைதியாத்தான் இருக்கும்.

நம்ம போலீஸ் கிட்டயும் படை இருக்கு நீங்க தமிழ் வரமாதிரி எப்பவும் சம்பவம் முடுஞ்ச பிறகுதான் வரும் வந்து ஒரு வாரத்துக்கு அங்கேயே இருக்கும்.

ஐ .நா. உரிமையாளர்கள் ,அமெரிக்கா ,இங்கிலாந்து ,சீனா ,ரஷ்ய ,பிரான்ஸ் போன்ற நாடுகள். (அப்பப்ப நீயா நான்னு பிரச்சனை வரும் )

நம்ம ஊரு போலீஸ் உரிமையாளர்கள் ஆளும் கட்சிகள் மற்றும் அவர்கள் உறவினர்கள் .

ஐ.நா.சபை செயல்பாடுகளின் சாமீபத்திய உதாரணம் இலங்கையில் நடந்த இன அழிப்பு போர்.

நம்ம போலீஸ் செயல்பாடுகளின் சமீபத்திய உதாரணம் சட்ட கல்லூரி வாசலில் வேடிக்கை பார்த்து கொண்டு இருந்தது.

இன்னும் சொல்லிடே போகலாம் எழுதுறதுக்கு தான் பிளாக்கர் அக்கௌன்ட் பத்தாது.

75ecx2ky8v

பன் டிவியும் -குப்பை லாரியும்

2009-06-24T20:14:00.014+05:30

யாரையும் புண்படுத்துவது என்னுடைய நோக்கம் அல்ல(ஏற்கனவே அவர்கள் புண்படுத்தியதால் )

பன் டிவி -குப்பை லாரி என்ன ஒற்றுமை சிறு விளக்கம் .

குப்பை லாரி பற்றி முதலில் பார்போம்.
தெருவுல கிடக்கிற குப்பய கூட்டி கூடைல போட்டு அந்த கூடைல இருக்கிற குப்பைய கொண்டுபோய் குப்பை அல்ல வர்ற லாரில போட்ட அந்த குப்பை லாரி போகிற பக்கமெல்லாம் ரோட்ல ரெண்டுபக்கமும் கொட்டிட்டே போயிடும் .குத்துமதிப்பா பார்தமன்னா நூறுகிலோ குப்பை லாரில இருந்துதுனா அது கடைசியா பொய் சேர்றப்ப அம்பது கிலோ குப்பை தான் இருக்கும் .குப்பை லாரி குப்பய அல்லுதோ இல்லையோ அது தன்னையும் நாரடுச்சு ஊரையும் நாரடுச்சுடும்.

பன் டிவி
அதே மாதிரி யாரும் வாங்கதா குப்பை படங்களை குத்தகை கணக்கா பேசி வாங்கிட்டு வந்தறாங்க.சரி குப்பை படங்களை வெச்சு அவுங்க என்ன பொங்கலுக்கும் தீபவளிக்குமா போடமுடியும் லாபம் பார்கனும்ள அதனால் ஒவ்வொரு ஊர்ல இருக்கிற திரை அரங்குகளை புடுச்சு அந்த குப்பை படங்களை வெளியிடறாங்க.குப்பய யாராச்சும் போய் பார்பாங்களா இல்லைல அதனால தன் கிட்ட இருக்கிற டிவி பலத்தால அந்த குப்பய கலர் ஜிகினாவ காட்டி வீட்ல இருக்கிற எல்லாத்தையும் தியேட்டருக்கு ஒடவைக்குறாங்க .அங்கே போன பிறகு தான் தெரியும் அது ஜிகினா இல்லை குப்பை கிடங்கு என்று . என்ன ஆச்சு -குப்பை படம் வீட்டையும் குப்பை ஆக்கிடுச்சு தியேட்டரையும் குப்பை ஆகிடுச்சு.

அதனால இப்ப பன் டிவி பார்கிறதுக்கே நிறைய பேருக்கு வெறுப்பாய் இருக்குது .எப்ப பாத்தாலும் ஒரே கூச்சல் கும்மாளம்னு .எப்படி பார்பாங்க அதன் தரம் தான் தாழ்ந்து விட்டதே .ஆத்துல விழுந்தேன் படத்தை வெளியிட்டது முதல் அதன் போக்கே மாறிவிட்டது .கதையே இல்லாத திரை காவியங்களுக்கு திரைவிமர்சனம் அரைமணி நேரம் வேறு. பட வரிசையில் பத்து வாரத்திற்கு முதலிடம் என்னத்த சொல்லறது .அவர்கள் வெளியிடும் அண்ட புளுகை மக்கள் இப்பொழுது வெகுவாக புரிந்து கொண்டு இருகிறார்கள் என்பது நிஜம் .

இப்பவும் ஒன்னும் கெட்டு போகலை நல்ல தரமான படங்களை வெளியிட்டால் மக்களுக்கு ஜிகினா கூட காட்ட தேவை இல்லை அவர்களே எடுத்து பூசிகொல்ல்வார்கள் உங்கள் ஜிகினவை பிறரிடம் காட்ட.

நகைச்சுவை -சட்டசபைக்கு போகாமல் சத்தம் போட புதிய வழி

2009-06-23T23:27:00.008+05:30

(யாரையும் புண்படுத்த நோக்கில் எழுதப்பட்டது அல்ல )

சட்டசபை கூட்டமோ பாராளுமன்ற கூட்டமோ எப்ப நடந்தாலும் அமளி துமளி ஆகறது சகஜமா போச்சு.வெளிநடப்பு செய்யறதும்,கைநீட்டி பேசறதும் இப்படி ஒரே பொழப்ப போச்சு.அப்புறம் என்ன சபை ஒத்தி வைக்கபடுகிறது என்று சபாநாயகர் தொண்டைவரள கத்துவார்.

மக்கள் வரிப்பணத்துல தேர்தல் நடத்தி ஒட்டு போட்டு பாராளுமன்றத்துக்கும் சட்டசபைக்கும் போங்க ராசா அப்படீனு அனுப்பி வச்சறோம்.அதுல பெரும்பாலானோர் சட்ட சபைக்கு போய் மக்கள் பிரச்சனையை பேசறாங்களோ இல்லையோ சத்தம்போட்டு வெளினடப்பவது செய்து டிவி சானலுக்கு பேட்டி கொடுக்குறாங்க.அதுல இன்னும் சில சட்டசபை உறுப்பினர்கள் அதுக்கும் வரமாட்டாங்க கேட்ட நேத்து வாசப்படில வழுக்கி உளுந்துடேன் போன்ற உன்னதமான காரணங்கள் சொல்வார்கள்.அதிலும் பாரளுமன்ற உறுப்பினர்கள் டெல்லிக்கு விமானத்துல(வரி பணத்துல)டாட்டா காடீட்டு போவாங்க ஆனா அங்க போய் பாராளுமன்றத்துக்கு போகமாட்டாங்க குளிர்கால கூட்ட தொடர் குளிர் அடிக்குது அதான் போகமுடியல அப்படீனு சொல்வாங்க.

என்னடா எப்ப சட்ட சபை கூடுனாலும் அஞ்சாவது படிக்கிற பள்ளிகொட பசங்க மாதிரி ஒரே சத்தம் போட்டு அடுச்சு புடுச்சு ஓடி திரியரார்களே நாம கட்டற வரி பணம் எல்லாம் இப்படி இவுங்க கூச்சல் போடறதுக்கே போயிடுதே இதுக்கு எதாவது வேற வழியும் இருக்க பணம் மிச்சம் ஆகணும் அதே சமயம் சட்டசபையும் நடக்கணும் என்ன பன்னால்னு குப்புற படுத்து யோசிசப்ப குபிர்னு ஒரு ஐடியா வந்துச்சு அது என்ன அப்பிடீனா ?

இந்த ஐடியா -யாவை முதல்ல நம்ம சட்ட சபை உறுப்பினர்களுக்கு பரிசோதித்து பார்க்கலாம் அப்புறமா டெல்லிக்கு போகலாம.

முதல்ல நம்ம தமிழ்நாட்ல இருக்கிற (234)சட்டசபை தொகுதி உறுப்பினர்களுக்கும் ஒவ்வொரு கம்ப்யூட்டர் ,வெப்காம் ,ஹெட் போன் அப்புறம் ஒரு பி.எஸ்.என். எல் இன்டர்நெட் இணைப்பு (லிமிடெட் download) ஒன்று அவர்கள் வசிக்கும் வீட்டிற்க்கே கொடுத்துவிட வேண்டியது .அப்புறம் ஆளுக்கு ஒரு ஜிமெயில் அல்லது யாஹூ இலவச (இலவசம்தான் ரொம்ப புடிக்குமே )அக்கௌன்ட் ஓபன் செய்து கொடுதர்றது .அப்புறமென்ன கூட்டம் கூடி சத்தம் போடணுமோ அப்பெல்லாம் (234)உறுபினர்களுக்கும் ஒரு மெயில் அனுபிடனும் .எல்லோரையும் ஒரே நேரத்தில் ஆன்லைன் -நில் வரச்சொல்லி என்ன பேசனும்னு தோணுதோ அத பேசிட்டு இல்ல அவங்க திருவுருவத்தை பார்கனும்ன வெப்காம்-ல பார்த்துட்டு சத்தம் போடலாம்.முக்கியமான கோப்புகள் அனுப்ப வேணும்னா ஜிமெயில் அல்லது யாஹூ மெசெஞ்சர் மூலமா அனுப்பிவிடலாம.

உறுப்பினர்கள் யாராவது ரொம்ப சத்தமா பேசினாங்கன்னா நம்ம மின்துறை அமைச்சர் கிட்ட சொல்லி அந்த தொகுதி முழுக்க கரண்ட் கட்டு பண்ணீடலாம் .அப்புறம் அடுத்தநாள் வரைக்கும் அவற்றை சாட்டிங் குழுமத்தில் சேர்த்துக்க கூடாது போன்ற அவசர சட்டம் கொண்டு வரலாம் .ஆளுங்கட்சிக்கு ஒரு குழுமமும் எதிர்கட்சிக்கு ஒரு குழுமமும் அதை கட்டு படுத்தறது சபாநாயகர் தான் (admin)அல்லது (moderator).இதன் மூலம் நம்ம வரிப்பணம் ரொம்ப மிச்ச படுத்தலாம்.

எப்படி எல்லாம் மிச்சம் ஆகுதுன்னு கேகுறீங்களா

1)நம்ம உறுப்பினர்கள் யாரும் சென்னைல இருக்கிற சட்டசபைக்கு வர வேண்டியதில்லை .இதன் மூலம் நம்ம உறுப்பினர்களுக்கு தருகிற பயணப்படி மிச்சம்.(உறுபினர்களுக்கும் அவர்கள் பள்ளி ,கல்லூரி போன்ற தொழில் பாதிப்பு அடையாது )
2)உறுப்பினர்கள் யாரும் வராததுனால சென்னைல இருக்கிற சட்டமன்ற உறுப்பினர் விடுதியை வாடகைக்கு விடலாம் .இதன் மூலம் அரசுக்கு கணிசமான வருமானம் கிடைக்கும் .
3)அதே போல சட்டமன்ற வளாகத்தில் இருக்கும் கான்டீனை நேராக அண்ணா நினைவிடம் அல்லது எம்.ஜி.ஆர் நினைவிடம் பக்கத்தில் இடமாற்றலாம் எதிர்காலத்தில் உன்னா விரதம் இருக்கும் சமயத்தில் மிகவும் உபயோகமாக இருக்கும்.
4)அதே போல உறுப்பினர்கள் ஆளுக்கு ஒரு காரில பவனி வருவதால் சென்னையில் கடும் போக்குவரத்து ஏற்படும் ஆனால் இந்த ஆன்லைன் முறையால் உறுப்பினர்கள் யாரும் வரவேண்டிய கட்டாயம் இல்லாத காரணத்தால் பொது மக்கள் பெரிதும் பயன் அடைவர்.

உறுப்பினர் நிபந்தனை .
.கண்டிப்பாக யாரும் மற்ற சாட்டிங் குழுமத்துக்குள் செல்ல கூடாது
.பாதியில் யாரும் சயின் அவுட் செய்ய கூடாது அப்படி செய்தால் ஒரு வாரத்திற்கு அவர்கள் வீட்டில் மின்சாரம் துண்டிக்க படும்
.மின்சாரம் தரவும் தராமல் போவதும் அந்த அந்த சமயம் பொருத்தது அதை பற்றி யாரும் புகார் மனு வாசிக்க கூடாது .

என்ன எப்படி இருக்குங்க நல்லா இருந்த நல்லா இருக்குனு சொல்லுங்க இல்லேன்னா நல்லா இல்லைன்னு சொல்லுங்க

உங்கள் வலைத்தளத்தை விளம்பரப்படுத்த ஒரு இலவச இணையத்தளம்

2009-06-20T15:44:00.005+05:30

நமது வலைத்தளங்களை விளம்பரப்படுத்த பலரும் பல்வேறு விதமாக முயற்சிப்போம். இன்னும் சில பேர் அதிக பச்சமாக கூகிள் அட்வோர்ட்ஸ் மூலம் கூட பணம் கட்டி விளம்பர படுத்துவார்கள் .

(அட்க்ரிட்வோர்க்) என்ற இந்த இணைய தளம்- இணையதளங்கள்,பதிவு தளங்கள் போன்றவற்றை இலவசமாக விளம்பரப்படுத்தும் வசதியை கொண்டுள்ளது .

நமது பதிவு தளங்களை விளமப்ரபடுத்த முதலில் அதில் உறுப்பினர் ஆகவேண்டும் .பின்பு நமது தளத்தின் முகவரியை அங்கு பதித்து பின்பு அவர்கள் தரும் (html code) ஐ நமது தளத்தில் ஏற்றி கொள்ள வேண்டும் அவ்வளவுதான் .

எப்படி நமது தளங்கள் விளம்பரம் ஆகும் என்று கேட்குறீர்களா?.அட்க்ரிட்வோர்க் தளத்தில் பல்லாயிரம் இணைதளங்கள் உறுப்பினராக உள்ளன . அதன் மூலம் நமது தளங்கள் அவர்களுடைய தளத்தில் விளம்பரபடுத்தப்படும்.அதற்க்கு பதிலாக மற்ற தளங்களின் விளம்பரம் நமது தளத்தில் வெளியிடப்படும்.
நமது தளத்தை பற்றிய விளம்பரம் எத்தனை முறை மற்ற தளத்தில் வெளியிட பட்டுள்ளது என்றும் விரிவாக இந்த அட்க்ரிட்வோர்க் இணையதளத்தில் பார்த்துக்கொள்ளலாம் .மேலும் எவ்வளவு பேர் நமது தளத்தின் முகவரியை கிளிக் செய்து உள்ளனர் என்றும் பார்த்து கொள்ளலாம்.

மேலும் கூகிள் அட்வோர்ட்ஸ் உள்ளதை போலவே நமது தளத்திற்கான விளம்பர வரிகளை சொந்தமாக அமைத்து கொள்ளலாம்.நமது இணையத்தளத்தில் வரும் அட்க்ரிட்வோர்க் விளம்பர பலகை அளவையும் நம் மாற்றி கொள்ளலாம் .
இணையதளத்திற்கு செல்ல இங்கே அழுத்தவும்

முகம் மாறும் மக்கள் தொலைக்காட்சி!

2009-06-18T09:52:00.005+05:30

அரசியல் கட்சிகள் தங்களுக்கு என்று ஒரு தனிப்பட்ட தொலைக்காட்சி சானல்களை வைத்துள்ளன என்பதை யாவரும் அறிந்ததே.தமிழ் தமிழ் என்று தமிழை கொன்று சினிமா அதை சார்ந்த நிகழ்ச்சிகளை ஒளிபரப்பி கொண்டிருக்கும் தொலைக்காட்சிகளுக்கு மத்தியில்,மக்கள் தொலைக்காட்சி தனது வித்யாசமான அணுகுமுறையால் தனக்கென தனி இடத்தை பெற்றது.

பா.ம.க நிறுவனர் ராமதாஸ் அவர்களால் தொடங்கப்பட்ட இந்த மக்கள் தொலைக்காட்சி .மண் பயனுற வேண்டும் என்ற கூறிய நோக்கத்திற்கு தொடங்கப்பட்ட இந்த தொலைக்காட்சி மற்ற தொலைக்காட்சிகளை காட்டிலும் வித்யாசப்பட்டது .அரசியலில் ஆயிரம் பல்டி அடித்தாலும் மக்கள் தொலைக்காட்சி எந்த வித சமரசமும் செய்து கொள்ளவில்லை தனது நிகழ்ச்சிகளில் .

சுதந்திரதினம், பொங்கல், தீபாவளி நடிகைகள் பேட்டி எடுக்கும் தொலைகாட்சிகளுக்கு மத்தியில் மக்கள் சார்ந்த கிராமிய மனம் கமழும் நிகழ்ச்சிகளை வழங்கி தமிழ் மக்கள் இடத்தே ஒரு நற்பெயரை பெற்று இருந்தது .
கோட்டு,சூட்டு போட்டு கொண்டு செய்திவாசிபவர்கள் மத்தியில் சட்டை ,வேட்டி,வெள்ளை துண்டு அணிந்து செய்திவாசிபதிலும் வித்யாசம் காட்டியது ,அதிலும் முடிந்தவரை தமிழ் பெயரையே பயன்படுத்தி வந்தார்கள் .நிகழ்ச்சிகளில் ஒரு தரம் முகம் சுளிக்க வைக்காத காட்சி அமைப்பு என்று பலதரப்பிலும் பாராடப்ப்டது.

விளம்பரத்திலும் உடலுக்கு கேடு விளைவிக்கும் குளிர்பானங்கள் போன்றவற்றை ஏற்று கொள்ளவதில்லை என்ற கட்டுப்பாடு .மக்களை ஆட்டுவிக்கும் மெகா சீரியல் நாடகங்களுக்கு மத்தியில் சந்தன காடு ,ஈழம் நேற்றும் இன்றும் ,நேதாஜியின் வரலாறு போன்ற தொடர்களை ஒளிபரப்பி தமிழ் தொலைக்காட்சி நேயர்களை தன் பக்கம் கவர்தது .

இப்படி அனைத்திலும் வித்யாசம் காட்டிய இந்த மக்கள் தொலைகாட்சியில் டெலி
ஷாப்பிங் விளம்பரங்கள் அண்மைக்காலமாக ஒளிபரப்ப படுகிறது .வித்யாசமான நிகழ்ச்சிகளை கொடுக்க முடியாத மற்ற தொலைக்காட்சிகள் தான் இப்படி டெலி ஷாப்பிங் விளம்பரங்களை காட்டி காலம் கடத்தி கொண்டு இருகிறார்கள் .ஏன் இந்த மாற்றம் மக்களுக்காக ஒரு தொலைக்காட்சி என்ற பெயர் பெற்ற இந்த தொலைக்காட்சி எப்படி தனது நிகழ்ச்சிகளை சமரசம் செய்து கொண்டது .
விரைவில் இயேசு அழைக்கிறார் போன்ற நிகழ்ச்சிகளும் ஒளிபரப்ப படும் என்று வார ஏடுகளில் படித்தேன் .

மக்கள் தொலைக்காட்சி ஏன் இப்படி ஆகிவிட்டது?. மாற்றத்தை கொண்டுவந்து உலகு வாழ் தமிழர்களிடையே ஊடக புரட்சி செய்த இந்த தொலைக்காட்சி மீண்டும் தனது பழைய முகத்திற்கு மாற வேண்டும் .மாறுமா ?

தீவிரவாதம் ஏன் ?

2009-06-06T10:55:00.003+05:30

இன்று உலகத்தை அச்சமுற செய்து கொண்டு இருக்கும் விஷயம் தீவிரவாதம்.உலகத்தில் ஏதாவது ஒரு இடத்தில் தீவிரவாத தாக்குதல் நடந்து கொண்டு இருக்கிறது.அதில் பலியாவது பெரும்பாலும் அப்பாவி மக்கள் மட்டுமே.தீவிரவாதத்திற்கு நாடுகள் கிடையாது,மடங்கள் கிடையாது,மொழிகள் கிடையாது,அதற்க்கு தேவையானது உயிர்கள் மட்டுமே.

நமது இந்தியாதேசம் மிகப்பெரிய சாவல்களை சந்தித்து கொண்டு இருக்கிறது.நமது அண்டை நாடான பாகிஸ்தானும் இதற்க்கு விதிவிலக்கல்ல தினம் தினம் குண்டு வெடிப்புகள் நிகழ்ந்து கொண்டு இருக்கிறது.வருட வருடம் நமது பாதுகாப்பு துறைக்கு ஒதுக்கும் நிதி அதிகரித்து கொண்டே வருகிறது.தீவிர வாதிகள் மிரட்டல் விட்டால் சில நாட்களுக்கு முக்கிய இடங்களில் பாதுகாப்பை அதிகபடுதுவதும் பின்பு ஒன்றும் நிகழாத பொது அந்த பாதுகாப்பை விளக்கி கொள்வதும் அன்றாட வேலையாய் போனது.அதிலும் தீவிரவாத மிரட்டல் காரணமாக அரசியல் வாதிகளுக்கும் ,பெரிய பெரிய தொழில் அதிபருக்கும் பல அடுக்கு பாதுகாப்பு அளிக்க பட்டு வருகிறது .மக்களின் வரிப்பணம் இப்படி தீவிரவாத தாக்குதலுக்கு எதிரான நடவடிக்கையில் செலவு செய்தால் ,ஏழைகள் அதிகம் வாழும் நம் தேசம் எப்படி முன்னேறும்.

வந்த பின் காப்பதற்கு பதிலாக வருமுன் காத்தால் இன்னும் நன்றாக இருக்கும் அல்லவா !.நம் நாட்டில் வறுமை இன்னும் கோர தாண்டவம் ஆடிக்கொண்டு இருக்கிறது,ஆட்சி மாறினாலும் காட்சி மாறவில்லை நம் நாட்டில் அப்படி இருக்க
மக்கள் செலுத்தும் வரிபணத்தை முழுமையாக மக்களுக்காக செலவிட முடியவில்லை.நமது வரிப்பணம் இராணுவம் ,உளவு அமைப்புகளுக்கு செலவிடபடுகின்றன இருந்தும் என்ன பயன் ?தீவிர வாதம் இன்னும் வளர்ந்து கொண்டே தான் இருக்கிறது .

முதலில் நமது ஆளும் அரசுகள் தீவிரவாதத்தை பற்றி முறையாக ஆராயவேண்டும் .தீவிரவாதிற்கான அடிப்படைக்காரணம் வறுமை,போதிய கல்வி அறிவு இல்லாமை,வேலை இன்மை போன்றவைதான்.முதலில் நமது அரசு இந்த குறைகளை நிவர்த்தி செய்ய வேண்டும்.
தீவிரவாதிகளில் பெரும்பாலும் இளைஞர்கள் தான் அதிகம் இருகிறார்கள்.எப்படி இந்த தீவிரவாத அல்லது தடை செய்ய பட்ட அமைப்புகளில் சேருகிறார்கள் அல்லது சேர்க்க படுகிறார்கள் ?.இந்த தீவிரவாத அமைப்புகளின் முதல் குறி வேலை இல்லாத இளைஞர்கள் மற்றும் வறுமையின் பிடியில் இருப்பவர்கள் தான் .வறுமை காரணமாக இந்த இளம் சமூகம் தீவிரவாதத்தை நோக்கி செல்கிறது .மனதளவில் உடைந்து கிடக்கும் இத்தகைய இளைஞர்களை சுலபமாக மூளை சலவை செய்ய பட்டு தீவிரவாதிகளாக மாற்றபடுகிறார்கள்.உனக்கு தேவையானதை நீ பெற்றுகொள்ள துப்பாக்கியை பிடிப்பது தப்பே இல்லை என்ற நிலைக்கு அவர்கள் கொண்டு வரபடுகின்றனர் .விளைவு அரசாங்கத்தை தன் பக்கம் திருப்ப
பொது இடங்களில் குண்டு வைப்பு இல்லை அரசு அமைப்புகள் மீது தாக்குதல் நடத்துதல் போன்றவற்றை செய்கின்றனர்.ஆனாலும் பெரும்பாலும் உயிரிழப்பதோ அப்பாவி மக்கள் மட்டுமே .

தீவிரவாதத்தை குறைக்க முதலில் தவிக்கும் மக்களின் அடிப்படை வசதிகளை நிறைவேற்றுவதுதான் .இலவசமாக தருகிறேன் பேர்வழி என்று மக்களை முடக்காமல் இளைய சமுதாயத்தை முன்னேற்ற உறுதுணையாக இருக்க வேண்டும்.பாதுகாப்பாக செலவிடப்படும் பணத்தில் சிறிது ஏழைமக்களின் அடிப்படை தேவைகளுக்காக செலவு செய்தால் வறுமை ஒளியும்.வேலைவைபை பெறுகிறேன் என்று கூறிக்கொண்டு கணினி வேலையை மட்டுமே உருவாகாமல் மற்ற துறைகளிலும் வேலைவைபை உருவாக்க வேண்டும் .தடம் புரளும் இளைய சமுதாயத்தை நேர்வழியில் செல்ல அரசாங்கம் முன்வரவேண்டும். அப்பொழுது தான் இளைஞர்கள் இந்த நாட்டிற்க்கு தூணாக இருப்பார்கள் இல்லையேல் அவர்கள் மனம் துருவேறி துப்பாகியை தூக்கும். அது நம் நாட்டுக்கு தேவையா ?

ஆற்காட்டாரிடம் வெத்து வேட்டு வெள்ளச்சாமியின் நகைச்சுவை பேட்டி

2009-05-30T16:38:00.005+05:30

(இது முற்றிலும் நகைச்சுவைக்காக மட்டுமே)
நமது தமிழ் ஊடக சிறப்பு நிருபர் வெத்து வேட்டு வெள்ளச்சாமி -ஒளிவிளக்கு துறை (மின்வெட்டு ) வீராசாமியுடன் நகைச்சுவை நேர்காணல்.

(நமது நிருபர் அவரின் நேர்காணலுக்கு காத்து கொண்டு இருக்கிறார் அப்பா பார்த்து மின்சாரம் கட் ஆகிடுச்சு ,என்னடா இப்படி ஆகிபோச்சே அப்பிடீனு நமது நிருபர் நொந்து கொண்டு இருக்கும் வேலையில் திடீர் என்று ஒரு வெளிச்சம் தென்படுகிறது என்ன வென்று பார்த்தல் நமது வணகத்துகூரிய ஒளிவிளக்கு துறை அமைச்சர் வீராசாமி கையில் விளக்கு ஏந்திய படி நடந்து வருகிறார்.வந்ததும் மேசை மேல் வெளக்கை வைத்து விட்டு உங்கள் பேட்டியை ஆரம்பியுங்கள் என்றார் )

நிருபர்:வணக்கம் சார்.

(சீக்கிரம் பேட்டிய ஆரம்பி பாஸு பீசு கட்டய புடுங்கறதுக்கு நேரமாச்சு என்று நினைத்த படியே )
ஒளிவிளக்கு :வணக்கம் வணக்கம் பேட்டியை ஆரம்பிங்க?

நிருபர் :சார் நடந்து முடுஞ்ச பாராளுமன்ற தேர்தலில் உங்கள் கட்சி அதிக இடங்களில் தமிழகத்தில் வெற்றி பெற்றுள்ளதை பற்றி என்ன நினைகிறீர்கள் ?

(எங்க ஆத்தா மேல சத்தியமா நா இத எதிர்பாக்கவே இல்ல என்று நினைத்து கொண்டு )
ஒளிவிளக்கு:இந்த வெற்றி நாங்க ஏற்கனவே எதிர் பார்த்துதான் ஆனா ?

நிருபர்:என்ன ஆனா சார் ?

(சுதாரித்து கொண்டு )
ஒளிவிளக்கு :ஆனாவும் இல்ல ஆவன்னாவும் இல்ல அடுத்த கேள்விய கேளுங்க

நிருபர்:நீங்க ஒரு பொது கூட்டத்தில தேர்தலில் எனது கட்சி தோல்வியை தழுவினால் அதற்க்கு நாந்தான் காரணம் என்று கூறினீர்களே அதை பத்தி இப்பொழுது உங்கள் கருத்து என்ன ?

(எதுக்கு இதய எல்லாத்தையும் கொடஞ்சு கொடஞ்சு கேக்குறான்)
ஒளிவிளக்கு: அது ஊடங்களில் திரித்து வெளியிடப்பட்ட செய்தி

நிருபர்:சார் உங்களால சிறு தொழில் செய்யறவுங்க எல்லாம் கடுமைய பாதிப்பு அடங்சுருக்காங்க

(ஏன்டா கரண்டு இருந்த குடுக்க மாட்டமா என்று நினைத்த படி )
ஒளிவிளக்கு: இது எதிர் கட்சிகள் திட்டமிட்டே பரப்புற பொய் ஏன் என்றால் நாங்கள் ஆட்சிக்கு வந்த பிறகு மெழுகுவத்தி தொழில்,ராந்தல் விளக்கு உற்பத்தி ,ஜெனரேட்டர் உற்பத்தி பன் மடங்கு வழங்துள்ளதே இதில் இருந்தே நீங்கள் ஒன்றை தெரிந்து கொள்ள வேண்டும் எங்கள் ஆட்சியில் சிறுதொழில்கள் பாதிக்க படவில்லை என்று

நிருபர்:சார் தேர்தலுக்கு முன்ன கொஞ்ச நாள் கரண்டே கட்டு ஆகறதில்ல தேர்தல் முடுஞ்சப்பரம் மறுபடியும் மின்வெட்டு இருக்கிறதா பொதுமக்கள் புலம்ப ஆரம்பிச்சுட்டாங்களே

ஒளிவிளக்கு:அதுக்கு காரணம் டேம்ம்ள(அனை) தண்ணி வத்தி போச்சு அப்புறம் பொள்ளாச்சி பக்கத்துல்ல கற்றாளை உற்பத்தி செய்ற பேன் விசிறி நாள் ஒடஞ்சு போச்சு அத கூடிய சீக்கிரம் ரெடி பண்நீருவோம்.

நிருபர்:உங்கள பதிவர்கள் நிறைய பேர் ஒட்டி ஒட்டி எழுதி கிண்டல் பண்றாங்களாம் உங்களுக்கு அதபத்தி எதாவது (சொல்லி முடிகரதுக்குலேயே முந்திக்கொண்டு)

ஒளிவிளக்கு ;ம்ம் அத பத்தி நா கேள்வி பட்டேன் யார் யார் ஒட்டி எழுதுறாங்கன்னு ஒரு லிஸ்ட் ரெடி பண்ணிட்டு இருக்கிறோம் கூடிய சீக்கிரம் -

நிருபர்:கூடிய சீக்கிரம் ?

ஒளிவிளக்கு :கூடிய விரைவில் நானும் ஒரு ப்ளாக் ஆரம்பிச்சு அவங்கள ஒட்டி ஒட்டி எழுதலாம்டு இருக்கேன் .

நிருபர் :(கொஞ்சம் மெதுவாக) சார் எதிரொலி அப்படீன்னு ஒரு நாளிதழ் வருது அதனுடைய சர்குலேசன் எப்படி போகுது ?

(அத நானே படிக்கறதில்ல)
ஒளிவிளக்கு :டீ கடக்காரன் போண்டா மடிக்கரதுக்கு சும்மா குடுத்தாலும் கூட வாங்க மாட்டீங்கறான்

நிருபர்:(தலைவரு தினம் அதுல்ல கவிதை எழுதுவாரோ என்னவோ என்று நினைத்த படி)இந்த மின்வெட்டு எப்ப குறையும்

(அது நா இருக்கிற வரைக்கும் நடக்காது)
ஒளிவிளக்கு:வருகிற சட்டமன்ற இடை தேர்தலை ஒட்டி கம்பம்,தொண்டாமுத்தூர் உட்பட நான்கு தொகுதிகளிலும் விரைவில்(தேர்தல் தேதி அறிவிக்கப்பட்டதும்)மின்வெட்டு அங்கு ரத்து செய்ய படும் அதை விடுத்து மற்ற பகுதிகள் தொடர்ந்து என் கண்காணிப்பிலேயே இருக்கும் .

நிருபர்:சார் மக்கள் உங்க மேல வெறுப்ப இருக்காங்க ஒரு அமைச்சர அத பத்தி உங்கள் கருத்து

ஒளிவிளக்கு:அந்த கோபத்தை இந்தியா ஜனநாயகத்தின்(பணநாயகத்தின்) அடிப்படையில் தேர்தலின் பொது மரகடிக்கப்படும்

நிருபர் :கடைசி கேள்வி சார் நீங்க (2011) தேர்தல்ல உங்க வெற்றி வைப்பு எப்படி இருக்கும்னு நினைகிறீங்க

(அதே ஏன்டா நியாபகபடுதுறீங்க)
ஒளிவிளக்கு :தமிழின தலைவர் தற்பொழுது மக்களை (தன்)குடும்பம் போல் கருதி சேவை செய்து வருகிறார் அதன் மூலம் அடுத்த தேர்தலிலும் நான் வெற்றி பெறுவது உரிதி.

முற்றும் .
(நல்ல இருந்த நல்ல இருக்குன்னு கமெண்ட் போடுங்க நல்ல இல்லேன்னா மொக்கைனு சொல்லுங்க அடுத்த முறை இன்னும் சிறப்ப பன்றதக்கு)

வருக வருக ராஜபக்க்ஷே அவர்களே ?

2009-05-30T10:49:00.008+05:30

இலங்கை அதிபர் ராஜப்பக்ஷே இந்தியா வருகை தருவார் என்று எஸ்.எம்.கிருஷ்ணா தெரிவித்துள்ளார் என்று நாளேடுகள் தெரிவிக்கின்றன.

இலங்கை மண்ணில் என் இன மக்களை கொன்று குவித்து ,என் இன பெண்களின் கற்பை பறித்து ,இளைஞர்களை தூக்கில் தொங்கவிடப்பட்டு ,ஏன் கருவிலிருக்கும் சிசுவைகூட விட்டுவைக்காமல் துப்பாக்கி தோட்டவிர்க்கு இரையாக்கி ரத்தம் குடித்த சிங்கள பேரினவாத அதிபர் வருக! வருக! என்று வரவேர்க்கபடுவீர்கள் எங்களை ஆளும் ஆட்சிகாரர்களால் .

நாங்கள் ஒன்றும் சீக்கியர்கள் ஆல்ல தன் இனம் அவமானபட்டால் ,அடிமைபடுதப்பட்டால் செருப்பால் அடிப்பதற்கும் ,அந்நிய நாட்டில் தன் இனத்தான் ஒருவன் கொல்லப்பட்டால் கலவரம் செய்து பொது(7000கோடி) சொத்தை சேத படுத்துவதற்கும்.

நாங்கள் தமிழர்கள் தன்மானம் அற்ற தமிழர்கள் காசுக்காக ஓட்டை விற்று கள்ள ஒட்டு போடும் வீர தமிழர்கள் .தமிழன் தமிழன் என்று கூறிக்கொண்டே காசுக்காக தன் இனத்தை கொன்று குவிக்க உதவி புரிந்த கயவர்களுக்கே ஓட்டளிப்போம் .எத்தனை அவமானப்படாலும் அதை பொறுத்துக்கொண்டு (காசுக்காக ) அதை எல்லாம் மறந்து விடுவோம்,மன்னித்து விடுவோம் .

அதனால் நீங்கள் நிம்மதியாக இந்தியாவிற்கு வரலாம் ,எந்த பயமும் இன்றி ஏன் என்றால் நாங்கள் உங்களை ஒன்றும் செய்து விடமாடோம் ,ரத்தின கம்பள வரவேற்பளிப்போம் ,ஐந்து நட்சத்திர விடுதியில் தங்க வைப்போம் ,இன்னும் மீதமுள்ள என் இன மக்களை அளிப்பதற்கு தேவையான உதவிகளை செய்வோம் அல்லது தமிழர்கள் வாழும் பகுதிகளுக்கு மறு சீரமைப்பு என்று நாங்கள் செலுத்திய வரி பணத்தை எங்கள் ஆட்சியாளர்கள் மூலம் தருவோம் நிம்மதியாக பெற்று செல்லுங்கள் .அங்கு சென்று மிச்சம் மீதி இருக்கும் என் இனமான தமிழர்களை அழிபீர்களோ அல்லது அடிமைபடுதுவீர்களோ நாங்கள் ஒன்றும் செய்யபோவது இல்லை .வெறும் கூச்சல் மட்டுமே போடுவோம் அல்லது பேரணி நடத்துவோம் அவ்வளவுதான் .

எங்களுக்கு தேவை ஈழ தமிழர்கள் வாழ்வுரிமை அல்ல ஆட்சி அதிகாரத்தை பிடிக்க வேண்டும் அதற்காக நாங்கள் என்ன வேணாலும் செய்வோம் அவ்வளவுதான் !.

இப்ப நாளும் புத்தி வரட்டும் -பசங்க உணர்வுகள்

2009-05-27T11:29:00.006+05:30

முதலில் இந்த பதிவை எழுத காரணமே இயக்குனர் எம்.சசிகுமாரும் ,இயக்குனர் பண்டிராஜ் ஆகியோர் தான் காரணம் .தரமான படைப்பை சினிமா உலகத்திற்கு வழங்கிய பசங்க திரை பட இயக்குனர் பண்டிராஜ் மற்றும் இந்த கதையை துணிந்து இயக்கிய இயக்குனர் எம்.சசிகுமார் ஆகியோருக்கு என் நன்றி கலந்த பாராட்டுக்கள் .

பசங்க படத்தை பார்க்கும் பொழுது நம்ம சின்ன வயசு சேட்டைகள் ,நினைவுகளை கண்முன்னே கொண்டு வருது, இப்ப இந்த மாதிரி வித்யாசமான படங்கள் ஏன் தமிழ் சினிமா காரங்க எடுப்பதில்லை . ஒரே குட்டைல ஊர்ன மட்டையை போல ஒரே விஷத்தை திரும்ப திரும்ப செஞ்சுட்டு இருகாங்க. .ஏன்பா இப்படி படம் எடுகறீங்கன்னு கெட்ட , இந்த சமூகத்துல நடகறததான் படமா எடுகுரோம்னு சொல்லறாங்க.காதல் இல்லேன்னா பழிக்கு பழி வாங்கற கதைகள் இத விட்ட இந்த உலகத்துல வேற ஒண்ணுமே கிடையாத. சினிமாங்கறது ஒரு களம் அதை இந்த காதல், கத்தி குத்துக்கு மட்டுமே பயனபடுத்துறது சரி அல்ல .வெறும் தொப்புளையும் தோலையும் காட்டி பணம் சம்பாரிகறதை விட வித்யாசமான முயற்சிகளில் ஈடுபடலாம் .ஒரு படம் என்றால் ஒரு ஒபணிங்கு சாங்கு மூணு சண்டை காட்சி நாலு செண்டிமண்டு வெளிநாட்ல ரெண்டு பாட்டு இது மட்டும் போதுமா .

தொழில் நுட்பத்தில் பிரமாண்டமாக வளர்ந்து நிற்கும் தமிழ் சினிமா உலகம் கதை களத்தில் பின்தங்கியே உள்ளது .கதைக்காக தான் நாயகன் ஆனால் இங்கே நாயகனுக்கு உகந்தமாதிரி தான் கதை எழுத படுகிறது .கோடிகளில் புரளும் நடிகர்களுக்கு தெருகோடிகளில் வாழும் ரசிகன் புது பட போஸ்டருக்கு பால் ஊத்தும் நிலைமை இங்கே நிலவுகிறது.முதலில் நாம் ஒன்றை தெரிந்து கொள்ள வேண்டும் அவர்கள் வீரமல்லாம் சினிமாவில் மட்டுமே நிஜத்தில் அவர்கள் அப்படி அல்ல .நம் உணர்ச்சியை தூண்டி காசு சம்பாதிபவர்கள் .

சினிமா என்பது ஒரு சக்தி வாய்ந்த களம் அதை நல்ல வழியில் உபயோகித்தால் மிக பெரிய மாற்றத்தை இந்த சாமூகத்தில் கொண்டு வரலாம். விதயாசமான அதே சமயம் எதார்த்தமான சினிமா எப்பவும் வெற்றி பெரும் அதற்க்கு பெரிய கதாநாயகர்கள் தேவை இல்லை நல்ல கதை மட்டுமே இருந்தால் போதும் .நல்ல படைப்பை மக்கள் புறகணிக்க மாட்டார்கள் என்பதை சமீபத்தில் வெளிவந்த படங்களான வெண்ணிலா கபடி குழு ,சுப்ரமணியபுரம் போன்ற படங்களே சிறந்த உதாரணம் .

பிரம்மாண்டம் என்ற பேர்ல எது எதுக்கோ செலவு செய்ற நம்ம ஆளுங்க படத்திற்கு தேவையான கதையை கவனிப்பது இல்லை.
காலிவுட் தரத்திற்கான படம் என்று சொல்வார்கள் பொய் பார்த்தல் நாம சாப்டற காளிபிளோவேர் தரத்திற்கு கூட இருக்காது .காலிவுட் என்பது வெளிநாடிற்கான சினிமா தளம் அவ்வளவு தான் ,அப்பாவும் அங்கே கதைதான் ஹீரோ ,அந்த படத்தில் கதாநாயகன் கதாநாயகி யார்வேணாலும் சாகர மாதிரி கதை அமைத்து இருப்பார்கள் இல்லாமலும் போலாம் அங்கு பெரிய நடிக நட்சத்திரங்களே அதற்க்கு ஒப்புக்கொண்டு நடிப்பார்கள் .ஆனால் இங்கு நேத்து வந்த துண்டு துக்டா முரட்டு தளபதி ,தங்க தமிழன்னு பேர் போட்டுக்கிட்டு பண்ற அலம்பல் தாங்களை ,அதே நேரம் தயாரிப்பாளர்கள் ஒன்றை உணரனும் கடந்த வருடத்தில் ப்ரமாண்டம்னு சொல்லிடு வந்த படங்கள் அவ்வளவாக ஓடவில்லை .ஆனா கதையை மட்டுமே நம்பி வெளிவந்த குறைந்த செலவில் உருவான படங்கள் பெரிய அளவில் வெற்றி கண்டது .

அதே மாதிரி நாமளும் இந்த நடிகர்களை தூக்கி தலைல வச்சுட்டு ஆடறதை நாம நிறுத்திக்கணும்.பாராட்டுகள் இருக்கலாம் ஆனால் அவர்களையே தூக்கி வைத்து கொண்டாடுவது தவறு.அவர்களுக்காக நாமதான் அடுச்சுக்கிட்டு பாகயாளிய திரியிறோம் ,ஆனா அவுங்க இன்னிக்கு அடுச்சுகுவாங்க அப்புறம் நாளைக்கு போட்டோவுக்கு ஒன்னு சேர்ந்து போஸ் கொடுப்பாங்க .
அதனால தரமான படைப்புக்களை அரவணைத்து வெட்டி முழக்கம் போடும் அரைவேக்காடு தமிழ் படங்களை புறகணிப்போம் அப்பொழுதாவது அவர்களுக்கு புத்தி வரட்டும் நல்ல சினிமாவை கொடுக்க வேண்டும் என்று!

செயற்கையை நோக்கி ஒரு வாழ்க்கை

2009-05-25T16:11:00.005+05:30

மனித இனம் எதற்கு படைக்க பட்டது ,ஏன் படைக்க பட்டது என்று தெரியவில்லை .ஆனால் நாம் இயற்கையால் தான் படைக்க பட்டோம் இயற்கையால் தான் வளர்க்க பட்டோம் .அனால் இன்று இந்த உலகில் எதையோ ஒன்றை அடைய ஆசைப்பட்டு இருக்கிற சுகங்களையும் இழந்துவிட்டோம் .பிற உயிர்களை போல நாமும் இயற்கை யோடு ஒன்றி வாழ்திருந்தால் இந்த முன்னேற்றங்கள் இருந்திருக்காது என்பது உண்மை .ஆனால் இன்று நம் கண்முன்னே எவ்வளவு கொடூர நிகழ்வுகள் ,ஆனாலும் நம் அந்த நிகழ்வுகளை ஒரு செய்தியாகவே பார்க்கிறோம் ஏன் நமது மனம் மரத்து விட்டதா ?இல்லை மரத்துவைக்க பட்டதா? தொலைக்காட்சி நாடகங்களை பார்த்து அழும் நாம் ஏன் ஒருவன் வழித்தடத்தில் துடித்து கொண்டிருக்கும் பொழுது கண்டும் காணாமல் செல்கிறோம் .நாம் வாழவில்லை வாழ்வது போல நடித்து கொண்டு இருக்கிறோம் .செயற்கையான சிரிப்புகள் ,செயற்கையான நடை ,செயற்கையான பேச்சு என்று நாமும் இயற்கையை பிறந்து செயற்கையை மாறிவிட்டோம் .பசுமையாய் இருக்க வேண்டிய நம் உள்ளம் வறண்டு கிடக்கிறது,சுதந்திரம் பற்றி பேசும் நாம் ஒரு சிறு பறவையின் சுதந்திரம் நமிடையே இருக்கிறதா என்று யோசித்தால் இல்லை ,எல்லை கோட்டை கடக்க கூட நமக்கு கடவு சீட்டு தேவை படுகிறது ,இவ்வளவு பெரிய மனிதன் அந்த சிறிய அட்டைக்குள் அடக்க பட்டுவிட்டான் கடவு சீட்டாக.ஆகா மனிதன் மீது இருந்த நம்பிக்கை போய் ஒரு கடவு சீட்டை நம்பவேண்டயுள்ளது.

சுதந்திரம் என்று சொல்லி நம் மீது கட்டுப்பாடு விதித்து கொண்டோம் .நவீன கலாச்சாரம் என்று சொல்லி நம்மையே அளித்து கொண்டோம் .ஏன் நாம் வாழும் ஒவ்வொரு நிமிடமும் ஒரு எல்லைகோட்டை ஓடியே சிந்தித்து கொண்டு இருக்கிறோம் .அதை மீறினால் தவறு என்று .

குடும்பத்துக்காக உழைக்கிறோம் என்று சொல்லி அந்த குடும்பத்தையே பிரிந்து நிற்கிறோம் .செயற்கையான பொருட்களை சேர்க்க இயற்கையான நம் உறுவுகளை பிரிந்து நிற்கிறோம் .

இன்று தினமும் கொலை கொள்ளை ,தீவிரவாதம் ,இன அழிப்பு என்று செய்திகள் கேள்விபடுகிறோம். கொலை செய்பவன் வஞ்சத்தை மறந்து ஒரு நிமிடம் யோசித்தால் அந்த கொலை நிகழாது ஆனால் அந்த ஒரு நிமிடம் இந்த மனம் யோசிக்க விடுவது இல்லை.இன அழிப்பு என்று சொல்லி நம் மானிட இனத்தையே அளித்து கொண்டு இருக்கிறோம் .பாதுகாகத்தான் ஆயுதம் என்று போய் உயிர்களை வித விதமாக கொன்று அளிக்கும் ஆயுதங்களைதான் உற்பத்தி செய்கிறோம் .ஏன் என்ற காரணத்தை பார்த்தல் பணம் என்ற ஒன்று .
அது உணர்வுகளை பிரிகிறது உணர்ச்சிகளை உடைக்கிறது.

அறிவுக்காக படிப்பது என்று போய் மதிபென்னுகாக படித்துக்கொண்டு இருக்கிறோம் .விளைவு அந்த புத்தகங்களில் உள்ள எழுத்துகள் நமக்கு வெறும் எழுத்தாகவே தெரிகிறது ,அதிலுள்ள கருத்தை நமது மனம் ஏற்று கொள்ள மறுக்கிறது .எதனால் என்று பார்த்தல் கல்வி மாயம் படித்தால் தான் வேலை கிடைக்கும் என்று ஒரு நிலை இன்று

இன்று நம் கையில் செல்போன் என்ற சாதனம் இருக்கிறது தகவல் தொடர்புக்கே அந்த சாதனம் ஒழிய வேரஎதிர்க்கும் இல்லை .ஆனால் நம் அந்த சாதனத்தை பேசுவதற்காக வாங்கி பேசும் மனபூர்வமான நேரத்தை குறைத்து கொண்டோம் .எப்படி என்று பார்த்தல் பணம் வந்து நிற்கிறது முன்னால் .பேசுவதற்காக வாங்கி பயன்படுத்திய அந்த சாதனம் தொழில்நுட்ப முன்னேற்றத்தால் பிற வசதிகளை புகுத்தி ,காசை பறித்து ,மனிதனிடமிருந்து பிரித்து விடுகிறது .

தொலைக்காட்சி என்ற கண்டுபிடிக்க பட்டு இன்று நம் இல்லத்தில் தவறாமல் குடிகொண்டு விட்டது .உலக நிகவுகளை அறிய பயன்படுத்திய இந்த சாதனம் இன்று கால மாற்றத்தால் மிக பெரிய சக்தியாக உருவெடுத்து நிற்கிறது நம் கண்முன்னால் .நம் எதை எதை வேண்டாமென்று நினைகிறோமோ உதாரணமாக விரோதம்,ஆக்ரோஷம் ,பகை ,ஆபாசம் போன்றவற்றை இலவசமாக நம் வீட்டிலேயே பார்த்து கொல்ல்கிறோம் .மேலும் ஆபாசம்,பழிதீர்த்தல் போன்ற வற்றை காட்டி அவர்களும் பணம் சம்பாதித்து பின்பு நம் உள்ளங்களையும் சீரழிகின்றனர் .வீட்டிலிருந்து கொண்டே இன்று நாம் நம் உறுவுகளுடன் பேசி கொள்வதில்லை .தொலைக்காட்சியே கதி என்று கிடக்கிறோம். விளைவு இன்று உருகளுள் சரியான புரிந்து கொள்ளுதல் இல்லை ,அதனால் விவாகரத்து ,தற்கொலை போன்ற சோகங்களில் முடிந்து விடுகிறது .

இந்த மனித இனம் ஏன் இப்படி அகிவிட்டது என்று தெரியவில்லை? .பணம் ஒரு தேவைதான் ஆனால் பணமே லட்சியமாக இருந்தால் வாழ்ந்து என்ன பயன் இந்த உலகில்.எதையோ தேடி தொலைந்து கொண்டு இருக்கும் நம் மனதினை நமக்காக காத்து கொண்டு இருக்கும் நம் உயிர்களை தேடி ,அவர்களின் உணர்வுகளை தேடி புறப்படுவோம் .எல்லை கடந்த அன்பை பெறுவோம் .

மெகா சீரியல் எடுக்க -பத்து டிப்ஸ்(நகைச்சுவை )

2009-05-23T23:22:00.012+05:30

இப்ப எல்லாம் மெகா சீரியல் தான் பெண்களுக்கு முக்கியமான பொழுது போக்கு .உங்கவீட்லயும் ஒரு குழந்தை பிறந்திருக்கும் ,உங்கவீடம்மா பாக்குற நாடகத்துலேயும் குழந்தை பிறந்திருக்கும் ,உங்க வீட்டு குழந்தை வளந்து பெரியவனாகி கல்யாணமே பண்ணி வச்சுருபீங்க.ஆனா உங்க வீட்டு அம்மா பாக்குற நாடகத்துல வர்ற குழந்தை இப்பதான் எல்.கே.ஜி முடிச்சு யு.கே .ஜி போயிருக்கும் .அதனால நீங்களே ஒரு மெகா சீரியல் எடுக்கவோ அல்லது இயக்கவோ எனக்கு தெரிஞ்ச சில ஐடியா தரேன் .
மெகா சீரியல் தயாரிக்க சில டிப்ஸ்.

முதல்ல நீங்க உங்க சீரியலுக்கு ஒரு நல்ல தலைப்பு வச்சுக்கணும் எடுத்துகாட்ட-அவள் ஒரு மங்கை ,மூதேவி ஸாரி ஸ்ரீதேவி ,அமிக்கல்லு ஆடாங்கள்ளு,இப்படி ஏதாவது ஒரு பெயர வச்சுக்கணும்(குறிப்பு ஏற்கனவே இருக்கிற தமிழ்நாட்டு பெண்கள் பெயர எல்ல நாடகத்துக்கு வச்சதால இனி வெளிநாட்டு பெண்கள் பெயர வச்சுக்கறது இன்னும் உத்தமம் )இல்லேன்னா நாலு புள்ளி கோலம் ,அஞ்சு புள்ளி கோலம் பத்து புள்ளி கோலம்னு பெற வச்சுக்கலாம் (அலங்கோலமுனு வச்சுட்ட இன்னும் சிறப்ப இருக்கும்) .
ஏதாவது ஒரு பெரிய பங்களாவ குத்தக கணக்கா பேசி வாடகைக்கு புடுச்சுகணும் .காசு மிச்சம் பண்ணும்னு நினச்சா அதே பங்களா மேல் போர்சன ஆபிஸ்னு போடு மாடி நாலு பெஞ்சு சேறு போட்டு வச்சுக்கணும் .
அப்புறம் நாலு சோபா வாங்கி வாடகைக்கு புடுச்ச ஊட்டு நடுவுல போட்டுவச்சுகனும்.நடுவுல ஒரு டீபாய் வச்சு ஒரு பழைய செய்திதாள நாலா மடிச்சு வச்சுக்கணும் .அப்புறம் ஒரு டெலிபோன் அந்த டீபைமேல வச்சரனும் .(நான் குறிபிடுவது குறைந்தபச்ச பொருட்கள் விருப்பமிருந்தால் இன்னும் அதிகமாக பொருட்களை வாங்கி வைக்கலாம் இல்லேன்னா விட்டுடலாம்)
அப்புறமா நடிகருக்கு ஆள் புடிக்கணுமில்ல கவலையே படாதீங்க வருஷம் (1995)சமயத்துல கதாநாயகிக்கு மாமனா,அக்காவா, நடிச்சவங்க நெறைய பேரு இப்ப சும்மா இருப்பாங்க அதுல உங்க கதைக்கு? தேவயானவங்கள தேர்வு செஞ்சுக்குங்க வயசான கதபாதரத்துல நடிகறதுக்கு.அப்புறம் தமிழ் சினிமால மார்கெட் போன நடிகைகள் இருப்பாங்க அவங்கள கூப்ட உடனே வந்துடுவாங்க கதையின் நாயகி யாக .அப்புறமா வாட்ட சாட்டமான ஒரு ஆள புடுச்சுகங்க அந்த சீரியல் நாயகியின் கணவனா நடிகறதுக்கு(குறிப்பு இன்னும் நடிகர்கள் தேவை பட்டால் சட்ட சபைக்கு போங்கள் டிவி ல நடிகரவிங்கள விட இவுங்க சூப்ற நடிப்பாங்க )
கிளிசரின் கம்பெனிக்கு போன போட்டு ஒரு பத்து லிட்டர் மொத்தமா வாங்கிக்குங்க .அப்புறமா ஆடை வேணுமில்ல ஏதாவது ஒரு லாண்டரிக்கு போய் தொவைக்காத துனியா தேவையான அளவு வாங்கிட்டு வந்து அந்த அந்த கதா பாத்திரங்களுக்கு குடுங்க .
அப்புறம் முக்கியமா தேவ கதை அதபத்தி கவலை படாதீங்க .ஸ்கிரிப்ட் ரெடி பண்றதுக்கு முன்னாடி இப்ப கரண்டா ஓடிட்டு இருக்கிற சீரியல் நாலு அஞ்சு அசராமல் பாருங்க ஒவ்வோவ்று சீரியல் இருந்தும் ஒரு சீன வெட்டி போடுங்க ஒரு நாளைக்கான கதை ரெடி !இதே மாதிரி தினமும் நாடகம் பார்த்தே கதை ரெடி பண்ணீடலாம் ).
அதே மாதிரி கதைல நடிக்கிற ஆண்களாகட்டும் பெண்களாகட்டும் பேசிகொண்டிருக்கும் போதே எதற்கென்று தெரியமாலே பொங்கி பொங்கி அழ வேண்டும் .அப்பா தான் அதை பார்க்கும் தாய்குலங்களின் கண்ணிலும் கண்நீற்குலம் உண்டாகும் .அதுக்குதான் லிட்டர் கனக்க கிளிசரின் வாங்கி வச்சுருபீங்க.
அதே மாதிரி நடிகர் நடிகைகள் வேகமாக நடக்கும் காட்சிகளை எடிட்டிங் செய்யும் பொழுது ஸ்லோ மோசன்ள நடக்ரமாதிரி காண்பிக்க வேண்டும் .அப்பதான் அந்த காட்சிய நாலு வாரத்துக்கு ஓட்ட முடியும் .
பினனணி இசை இது ரொம்ப முக்கியம் ஆனால் வேலை ரொம்ப ஈசி புதுசா யாராச்சும் மியூசிக் கத்துகிட்டு இருந்த ஒரே அமுக்க அமுக்கிட்டு வந்து அவங்களுக்கு என்ன தெரியுமோ அத வாசிக்க சொன்னால் போதும் .முக்கியமா கதாநாயகி வேகமாக நடக்கும் பொழுது பித்தாள கொடத்த படிகட்டுல இருந்து உருட்டி விடறமாதிரி சத்தம் வரணும் .
அப்புறமா உங்க மெகா சீரியல உட்காந்து பார்க்கும் பெண்களை கவர்ற மாதிரிஏதாவது சின்ன சின்ன பரிசு பொருட்கள் இலவசமா அள்ளி வீசுங்க.

ஒன்னு சொல்ல மறந்துட்டேன் மெகா சீரியலுக்கு முக்கியமானதே ஓபனிங் பாட்டுதான்.ஏதாவது ஒரு டான்ஸ் மாஸ்டர் ர புடுச்சு யாருக்கும் புரிஞ்சும் புரியாத மாதிரி பத்து நிமிஷம் பல்ல கடுச்சுட்டு ஆடுற மாதிரி இருக்கனும் (குறிப்பு இந்த மாதிரி ஓபனிங் சாங்கை வைத்தே உங்களுக்கு ஒதுகின நேரத்துல பாதி நேரத்தை முடுச்சரலாம் .

என்ன பேச்சையே காணோம் இப்படி தான் பல பேரு மெகா சீரியலு எடுத்துதான் மெகா கோடீஸ்வரன் ஆகி இருக்கான்.

வறுமையை ஒழிப்பேன் என்று கூறாதீர்கள் -ராகுல் காந்தி

2009-04-28T17:04:00.007+05:30

வறுமையை ஒழிக்க தேசத்தையை தீவிரவாதம் என்னும் பிடியிலிருந்து மீட்க இன்னும் ஒருமுறை காங்கிரஸ் கட்சிக்கு வாகளிக்குமாறு கேட்டு கொள்கிறேன் என்று வருங்கால காங்கிரஸ் தலைவர் ராகுல் காந்தி சொல்கிறார் .

சுதந்திரம் கிடைத்து அறுபது ஆண்டுகள் ஆயிற்று அதில் அதிகமான முறை உங்கள் கட்சிதான் ஆட்சி செய்தது .அப்படி பெரும்பான்மையான வருடங்கள் ஆட்சி புரிந்த உங்கள் அரசு இந்த ஐந்து வருடத்தில் மட்டும் எப்படி வறுமையை முழுமையாக ஒழிப்பீர்கள் தீவிரவாதத்தை எப்படி முழுமையாக ஒழிப்பீர்கள் .

போதும் எங்கள் நாட்டை நீங்கள் சொரண்டியது .இன்னும் ஒரு முறை நீங்கள் ஆட்சிக்கு வந்தால் இந்த தேசத்தை அமெரிக்காவிடம் அடுகுவைத்து கொள்ளை அடிக்கமாடீர்கள் என்று என்ன நிச்சயம் .காங்கிரஸ் என்றால் கதர் ஆடை தான் நினைவுக்கு வரும் ஒரு காலத்தில் .ஆனால் இன்றைக்கு ஒரு நெசவாளி சந்தோசமாக வாழ்கிறானா என்று காட்டுங்கள் பாப்போம் .உங்கள் ஆட்சி காலத்தில் ஏழை எளிய மக்கள் இன்னும் அதே நிலையில் அப்படியே முன்னேறாமல் இருகிறார்கள் .ஆனால் பன்னாட்டு முதலாளிகளும் சில இந்திய பண முதலைகளும் ஆயிரகணக்கான கொடிகளை கொள்ளை அடிக்கிறார்கள் .

உலக பணக்காரன் அம்பானியும் இதே நாட்டில் இருக்கிறான் ஒரு வேலை சோத்துக்கு வலி இல்லாதவனும் இங்க தான் இருகிறார்கள் .இந்த இருவர்கிடையே எவ்வளவு பொருளாதார இடைவெளி இதை உங்களால் சமன் செய்ய முடிந்ததா குறைந்த பட்சம் உண்ணும் உணவிற்கு ஆவது வலி செய்ய உங்கள் கட்சியால் முடிந்ததா இல்லை நடுத்தர ,ஏழை சமூக பாதுகாப்புக்கு உங்களால் உத்திர வாதம் கொடுக்க முடிந்ததா .

உங்கள் கட்சியின் ஆட்சி குறைபாடு உதாரணம் இந்த ஐந்து ஆண்டுகளே போதும் . உங்கள் ஆட்சி காலத்தில் எப்போதும் இல்லாத அளவுக்கு பங்கு சந்தை உயர்ந்தது மும்பை நகரில் .அதே நகரம் அமைந்துள்ள மராத்திய மாநிலத்தில் இன்னொரு மூலையில் லட்சகனக்கான் மக்கள் உங்களது காலத்தில் தான் தற்கொலை செய்து காலத்தில்கொண்டார்கள் .நாட்டுக்கே உணவளித்த உழவன் அவன் வயித்து பாட்டுக்கே உணவிலாமல் மாண்டுபூனார்கள் . யாவது பொருளாதார மண்டலம் என்றீர்கள் என்னடா அது என்று பார்த்த பொழுது ஒன்னும் இல்லாதவன் கிட்ட புடுங்கி இருகுரவன்கிட்ட கொடுக்கிற கதையா கொஞ்சம் நிலம் வைத்து கொண்டு இருந்த உழவன் நிலத்தை பன்னாட்டு கம்பனிக்கு கூறு போட்டு கொடுத்தீர்கள் .

உங்களது கட்சி ஆட்சி காலத்தில் மாதம் ஒரு முறையாவது நாட்டில் தீவிரவாத தாக்குதல் நடக்காமல் இருந்ததில்லை . அதிலும் பாருங்கள் அப்பாவி மக்கள் மட்டுமே கொல்லபடுகிறார்கள் நல்லவர் வேடம் அணிந்தவர்கள் எல்லாம் தப்பித்து கொள்கிறார்கள் .

அதுமட்டுமா உலக ரவுடி அமெரிக்காவின் காலை நக்கி பிழைக்கும் நிலைக்கு கொண்டு சென்றது யார் நீங்கள் தான் . கியூபா போன்ற குட்டி குட்டி நாடே அமெரிக்காவை எதிர்க்கும் பொழுது நீங்கள் தான் ஐயோ அணு ஒப்பந்தம் அணு ஒப்பந்தம் என்று கூறி பாராளுமன்ற உறுபினர்களை பணத்தால் வீழ்த்தி வெற்றியும் கண்டு விடீர்கள் .இன்னும் ரிலையன்ஸ் ,டாட்டா போன்ற பெருமுதலாளிகளுக்கு அணு உலைகளை பங்கிட்டு கொடுபதுதான் மிச்சம் .

பன்னாட்டு தொழிற்சாலைக்கு வரி ரத்து ,மானியம் ,இலவச மின்சாரம் கொடுத்தீர்கள் ஆனால் துவண்டு கிடக்கும் இந்திய ஏழை மக்களுக்கு குடிக்க ஒரு வாய் தணீர் கொடுத்தீர்களா .இன்னும் இங்கு குடி நீருக்கு பல மயில் தொலைவு சென்று கொண்டு வரும் நிலையில் எத்தனை கிராமங்கள்

பழிக்கு பழி என்று உங்கள் கட்சிகாரர் ஒருவர் மாண்ட காரணத்திற்காக லட்ச லட்சம் மக்களை கொன்று குவிக்கும் ஈன பிறவிகள் தான் நீங்களும்.

ஜெய்கோ ஜெய்கோ என்கிறீர்கள் ஆனால் ஐயகோ ஐயகோ என்று ஈழ தமிழர் குரல் உங்கள் காதுகளில் வில்ல வில்லையா .எப்படி கேட்கும் நன்றி கெட்ட ஜென்மங்கள் நீங்கள் ஜெய்கோ பாடல்களை காப்புரிமை வாங்கினீர்களே . அந்த பாடல் வரும் படத்தின் பெயர் போல தான் நம் நாட்டின் நிலைமையும் அதுதான் மாடமாளிகைகள் அருகிலே ஓலை குடிசைகள் . தப்பு செய்தவனுக்கு கருப்பு பூனை பாதுகாப்பு அப்பாவி மக்களுக்கு நீங்கள் வைப்பது பெரிய ஆப்பு .

இனியும் நீங்கள் ஒட்டு கேட்காதீர்கள் வறுமையை ஒல்லிபேன் என்று எங்கள் காதுகளில் இந்த குரல் கேட்டு கேட்டு புளித்து விட்டது எங்களுக்கு .

உங்களுக்கும் தீர்விரவதிகளுக்கும் என்ன வித்யாசம் அவன் குண்டு வைத்து கொள்கிறான் .நீங்கள் ஆட்சிசெய்து கொல்ல்கிறீர்கள் என் இனத்தை .

ஒட்டு வாங்க உண்ணா விரதமா வேண்டாம் அய்யா இந்த ஏமாற்று வேலை

2009-04-27T01:41:00.008+05:30

யாரை ஏமாற்றி ஒட்டு வாங்குவதற்காக இவர் இப்படி எல்லாம் நடிக்கிறார் என்று தெரியவில்லை அய்யா எமக்கு? .ஈழ பிரச்சனயை பேசி தீர்க்க வேண்டிய பொறுப்பிலிருக்கும் இவரே நான் பந்து நடத்துறேன் ,சாப்டாம இருகிறேன் சொல்லறது எல்லாம் காலும் கடத்தும் செயல் என்றே கூறலாம் .

இவர் மட்டுமா உண்ணா விரதும் இருக்கிறார் தினம் தினம் ஆயிரம் ஆயிரம் பேர் உன்ன உணவின்றி தங்க இடமின்றி இவரை விட மிக வயதானவர்களும் உடல்நலம் குன்றி சிகிச்சை எடுக்கமுடியாமல் நிலைமையில் இருகின்றனர் .
இது முற்றிலும் ஒட்டு வாங்கும் தந்திரமே ஒழிய el தமிழர் மீதான அட்கரை என்பது ஒரு துளி இல்லை .

ஐந்து முறை முதல்வராக இருந்து நீங்கள் ஒருநாளும் இல்லாத திருநாளாம் என்ற பழமொழி படி தான் ஆட்சி பீடம் ஏற மறுபடியும் துன்பத்தில் துவண்டு கிடக்கும் ஈழ தமிழனை தன் கேடயமாக பயன்படுத்துகிறார் . கோடி தமிழரின் தலைவர் அல்ல இவர் ஆயிரம் ஆயிரம் கோடிகளில் புழங்கும் தலைவர் இவர்
என்னவோ நேத்து இரவு இருந்துதான் ரத்த வெறி பிடித்த ராஜபக்சே ஈழ தமிழர் மீது குண்டு போடுவது போலவும் இதை கேள்வி பட்ட அவர் உடனே உன்ன விரும் இருப்பது போலவும் காட்டி கொள்கிறார் .இவரது கொள்கை கோட்பாடு எல்லாம் எப்பவோ வெட்ட வெளிச்சத்துக்கு வந்துடுச்சே அதற்கு சமீபத்திய உதாரணம் ஆளும் கட்சி சார்பாக நடைபெற்ற பந்த் ஒன்றே போதுமே அவசியமான பேருந்து ஒன்றும் ஓடாமல் தமிழர்களை இளைஞர்களை கெடுத்து குட்டி சுவராக்கும் மது கடைகளை திறந்து வைத்தது கலைஞர் டிவி ,சன் டிவி போன்றவற்றில் திரைபடங்கள் ஒளிபரப்புது என்ன கொடுமைடா சாமி .

ஒரு பக்கம் ஒட்டு வாங்க கட்டு கட்ட பணம் விநியோகும் மறுபக்கம் இந்த உண்ணா விரதும் .ஏன் அய்யா இப்படி வயதான காலத்தில் இப்படி உங்களை வருத்தி கொள்கிறீர்கள் .நீங்கள் மனது வைத்தால் எப்பொழுதோ இந்த பிரச்சனயை பேசி தீர்த்து முடித்து வைதுருக்கலாம் .மானம் கேட்டே காங்கிரஸ் கூட கூட்டு போட்டு பதவி ஆசையால் எங்களையும் ஏமாற்றி ஏன் ஈழ மக்களையும் ஏமாற்றி வீணாக நாளை கடத்தி கொண்டு இருகிறீர்கள் .

மீறி தமிழகத்தில் அரசியல் நெருக்கடி முற்றினால் வெள்ளக்காரி கிட்ட பேசி அந்த சிவசங்கரன் ,மற்றும் முன்னாள் உளவு துறை அதிகாரி ஆகிய இரு மலையாளிகளை தான் தமிழர் பிரச்சனயை பற்றி பேச இலங்கைக்கு அனுப்புவார்கள் .தமிழர் பிரச்சனயை பற்றி பேச ஒரு தமிழன தலைவர் அங்கு செல்லாமல் கோட்டு சூட்டு போட்ட அந்த மகராசங்கள எதுக்கு அப்பா அங்க அனுப்புறீங்க .அவர்களும் போய் ஏம்பா நாங்க குடுத்த குண்டு நல்ல வெடுச்சுச்ச இல்லையா என்று கேட்டு விட்டு திருபவும் வந்துடுவாங்க .இதுல மக்கள் கட்டற வரி பணம் தான் செலவானதுதான் மிச்சம் அந்த இரு அதிகாரிகள் போயிட்டு வரதுக்கு .

நீங்க நெனச்சா அங்கு போய் இது பற்றி பேசி தங்களின் கடும் எதிர்ப்பை தெரிவிக்க கூடாத ,அய்யா பிளைட்டு செலவுக்கு நாங்க வென காசு தர்முங்கோ .உங்களுக்கு எங்க நேரம் சினிமா பாராட்டு விழாவுக்கு போய் முதல் வரிசையில் உட்காருவதற்கும் குடும்பத்து சண்டைய தீர்த்து வச்துக்குமே நேரம் சரியா போச்சு .

நடுவண் அரசுல முக்கிய மான அமைச்சர் பதவிகளை கேட்டு வாங்கறதுக்கு எத்தனை முறை டெல்லி போயிருபீங்க ஆனா ஈழ பிரச்சனைக்கு தந்தி மட்டும் தான் அடிகிறீங்க ஏன் உங்ககிட்ட போன் இல்லையா ,இல்ல சென்னைல இருந்து பிளைட்டு இல்லையா டெல்லி போறதுக்கு .காங்கிரஸ் காரன் கிட்ட பதவி வாங்கறதுக்கு டெல்லி போனீங்களே நீங்க கேட்ட பதவி கேடைகலீனு என்ன உண்ணா விரதம் இருந்தீங்கள ? ரூம் போட்டு பேசி தானே வாங்குனீங்க அதே மாதிரி இதையும் செய்ய வேண்டியதுதானே .

இப்ப உங்க ஒரே கவலை என்ன அப்படீனா உங்களுக்கு எதிர ஈழ தமிழ் ஆதரவாளர்கள் தமிழகம் முழுக்க உங்க ஆட்சிக்கு எதிரா பிரச்சாரம் மேற்கொண்டு வருகிறார்கள் . அவங்கள எப்படி சமாளிகரதுனு தெரியலை உங்களுக்கு .அதனால ஒட்டு மதுரைய தவற மத்த பக்கம் ஒட்டு வாங்கறதுக்கு இது ஒண்ணுதான் வழி .அதான் வந்து உட்காந்துடீங்க அண்ணா நினைவிடதுள்ள .

ஈழ தமிழர் பிரச்சனையை உலக நாடுகளை எல்லாம் விட உங்களுக்கே அதிக முன்னுரிமை இருக்கிறது பேசி தீர்க்க .அதை விடுத்து நீங்களும் உங்கள் உடன்பிறப்பும் ஏன் இந்த வேகாத வெயில்ல இப்படி கஷ்டபடுறீங்க .
இப்ப கூட ஒன்னும் கேட்டு போகலை காங்கிரஸ் காரன் கிட்ட இருந்து வெளிய வாங்க ஈழ பிரச்சனைக்கு போராடுங்க .உங்களுக்கு நாங்க கைகொடுகிறோம் .
அதை விடுத்து இப்ப பண்ற நாடக தனமான உண்னவிருதத்தை நிறுத்துங்க .
உங்கள் உடல்நிலைக்கு இது உகந்தது அல்ல .

ஈழ பிரச்சனை தீர்வதற்கான பூர்வாங்க வேலையே பாருங்க அய்யா அப்பொழுதுதான் நாங்கள் நம்புவோம் தமிழின தலைவர் என்று ?

காங்கிரஸ் தலை தங்கபாலு -வேட்டு வெள்ளைசாமி காமெடி பேட்டி

2009-04-25T11:41:00.015+05:30

இது முற்றிலும் கற்பனையே யாரையும் புண்படுத்துவதற்கு இல்லை
நமது தமிழ் ஊடக அரசியல் சிறப்பு நிருபர் வெத்து வேட்டு வெள்ளைசாமி சிறப்பு தேர்தல் பேட்டி காண்பது நமது தமிழக காங்கிரஸ் கட்சியின் ஒரே தலைவர் வேற யாரு நம்ம சேலம் தொகுதி எம்.பி தங்கபாளுவுடன் நேரடி சந்திப்பு.

வெத்து வேட்டு வெள்ளைசாமி சுருக்கம் வெ.வே.வெ:

நமது நிருபர் தலைவர் வருகைக்காக காத்து கொண்டு இருக்கிறார் .

சிறுது நேரத்தில் தங்கத்தலைவர் தொங்கபாலு மனிக்கவும் தங்கபாலு வருகிறார்.வந்ததும் நம்ம நிருபரிடும் வணக்கம் சொல்லி மன்னிக்கவும் கொஞ்ச தாமதம் ஆய்டுச்சு மெகா டிவி கேமரா மேன் அறிவாலயத்தில் இருந்தான் ஐயோ மாத்தி சொல்லிட்டேன் சத்யமூர்த்தி பவன்ல இருந்தான் கூட்டிட்டு வரதுக்கு கொஞ்சம் லேட் .

வெ.வே.வெ : பரவா இல்ல சார் பேட்டிய ஆரும்பிகலாம சார் ?

தங்க: கொஞ்சம் பொறுங்க கேமரா மேன் காமெராவ செட் பண்ணட்டும் (ஏன்பா சைடு கேமரா எங்கப்பா அதையும் பிக்ஸ் பண்ணிஎடுங்க .கேமரா மேன் அய்யா அந்த கேமரா வ கல்யாண வீட்டுக்கு வாடகைக்கு போயருகுதுங்க வரவேற்பு விழா முடுஞ்சுதான் வரும். தங்கபாலு சரி சரி செல் போன்ல கேமரா இருந்த அதுனாலாவது எடுங்க சொல்லிட்டு) சரி இப்ப இப்ப ஆரம்பியுங்க

வெ.வே.வெ: அய்யா உங்கள பத்தி கொஞ்சம் சொல்லுங்க

தங்க : என்ன பத்தி தகவல் வேணுமுனா மெகா டிவி பாருங்க சும்மாவா அம்பது கோடி செலவு செஞ்சு டிவி ஆரம்பிச்சேன் . அதுல நா காலைல எந்துருச்சு பல்லு விலக்கி காபி குடிகறதுலஇருந்து நைட்டு குட் நைட்
கொசுபத்தி ஏத்தி வச்ட்டு தூங்கறது வரைக்கும் கான்பிபாங்க .

வெ.வே.வெ:இந்த தேர்தலா பத்தி கொஞ்சம் சொல்லுங்க உங்க வெற்றி வாய்ப்பு எப்பிடி இருக்கு .

தங்க : (கொஞ்ச நேரம் கேமரா வையே வெறித்து பார்த்து விட்டு ) அன்னை சானியா மன்னிக்கவும் சோனியா காந்தி தலைமையில் இந்த முறையும் அபார வெற்றி பெறுவோம் .

வெ.வே.வெ: (சிரித்துக்கொண்டு ) ஐந்து ஆண்டுகால காங்கிரஸ் அரசின் சாதனைகள் எனவேன்று கொஞ்சம் சொல்லுங்க

தங்க : என்ன அப்பிடி கேட்டு விடீர்கள் எங்களது லட்சியமே "முடிந்தவரைக்கும் கொள்ளை அடி முடியலேனா காலை பிடி " என்கிற கொள்கை படி எங்கால எவ்வளவு முடியுமோ அவ்வளவு செய்திரிகிறோம் .
அரசு நிறுவன பங்குகளை தனியாருக்கு தாரைவாற்பது ,விவசாயத்தை படுகுழியில் தள்ளுவது குறிப்பாக தமிழக மக்களுக்கு மிகவும் பயனுள்ளதாக மெகா டிவி ,வசந்த் டிவி கொண்டுவந்தது அதுமட்டுமா ஈழ தமிழருக்கும் நாங்கள் செய்த சேவை இந்த நாடே அறியும் .முந்தாநேத்து காலைல கூட ஈழ தமிழர்கள் சாம்பார் வைக்க வசதியாக ஆச்சி மசாலா ரெண்டு லட்சம் பாக்கெட் கள்ள தோணி வழிய அனுப்பி வச்சோம் .இது வொன்றே போதுமே நாங்கள் வெற்றி பெற இங்கு மட்டுமல்ல ஈழத்தில் நின்றாலும் எங்கள் வெற்றி உரிதி.

வெ.வே.வெ: ( இப்பவே கண்ண கண்ணு இருட்டுதே ) அய்யா தமிழகத்தில் காமராசர் ஆட்சி கொண்டு வருவோம் என்று நீங்களும் உங்க சக காங்கிரஸ் தலைவர்களும் மேடைக்கு மேடை கூவுறீங்க அத பத்தி கொஞ்சம் ..,
தங்க : என்னத்த சொல்லறதுங்க அவரு பொழைக்க தெரியாத மனுஷன் ஒரு பங்களாவ கண்டார ,காலேஜ் ,வணிகவளாகம் கண்டார இல்ல கொஞ்சமா ஒரு நானூறு ஐந்நூறு ஏகர் நிலதகண்டார பாவம் .

வெ.வே.வெ: (நீங்கல்லாம் தலைவர வந்ததுக்கு நாங்க தான் பாவம் பநீருகனும் என்று நினைத்து கொண்டு ) நீங்க மக்கள் அவைல ஒரு கேள்வி கூட தொகுதி பத்தி கேகுளைங்க்ற பேச்சு இருக்குதுங்க .

தங்க : அதி முற்றிலும் வதந்தி என்றே சொல்வேன் நான் கேட்காம எப்படி மெகா டிவி ,கலூரிகள் நாலு ஆஞ்சு ,ஷாப்பிங் வாளகம் வந்தது. அன்னை சோனியா வின் வலி காட்டுதலின் பேரில் நமது மக்களுக்கு போராடி பெற்றேன் .
அதுவுமிலாம நா கேள்வி கேட்க ஆரம்பிச்ச இந்த நாடு தாங்காது அதான் .

வெ.வே.வெ: அய்யா காங்கிரஸ் என்றாலே கோஸ்டி சண்டைனு சொல்றாங்க உண்மையா ?

தங்க : (கட்சின்னு இருந்தா சண்ட வரத்தான் செய்யும் என்று உள்ளுக்குள் நினைத்த படி) உங்களுக்கு தெரியுமா ஒற்றுமை என்றால் காங்கிரஸ் என்றுதான் அர்த்தம் . நம் தமிழக காங்கிரசில் கோஸ்டி பூசல் என்பது கிடையவே கிடையாது .குறிப்பாக வன்முறையை முற்றிலும் வெறுபவர்கள் நாங்கள் கத்தி ,கம்பு ,உருட்டு தடி போன்றவற்றில் எங்களக்கு நம்பிக்கை இல்லை .அவ்வபொழுது புழுக்கம் தாங்காம சட்டைய கிளுசுகுவோம் அவ்வளவுதான் .அதை திரித்து இந்த காங்கிரஸ் கட்சின் வளர்ச்சி பிடிக்காமல் குற்றச்சாட்டு .

வெ.வே.வெ: (இதை எப்படி தான் சிரிக்காம சொல்றாரோ என்று நினைத்து கொண்டு ) இந்தா முறையும் உங்களுக்கு சேலம் தொகுதிக்கு சீட் கொடுதுருகாங்க நீங்க வெற்றி பெற்றால் தொகுதி மக்களுக்கு என மாதிரியான நன்மைகளை செய்வீர்கள் ?

தங்க : நான் வெற்றி பெறுவது உறுதி இந்த முறை வெற்றி பெற்றால் மெகா டிவி போன்று மெகா இசை ,மெகா செய்திகள் என்று இன்னும் இரண்டு புதிய தொலைக்காட்சி நிறுவ அனுமதி பெறப்படும். பனை மர கள் தென்னை மர கள் போன்ற உடலுக்கு தீங்கு விளைவிக்கும் பானத்தை தடை செய்து சேலம் தொகுதியில் புதிதாக நானூறு ஹெக்டேர் விவசாய நிலத்தில் மதுபான தொழிற்சாலை அமைக்கப்படும் . அதிலும் குறிப்பாக ஜிகா டிவி என்ற கேபிள் தொலைக்காட்சி ஆரம்பிக்கப்படும் .அதில் தொகுதி பிரச்சனை குறித்து உடனுக்கு உடன் தீர்த்து முடிக்கப்படும் .

வெ.வே.வெ: கூட்டணியில் இருக்கும் திராவிட கட்சி தலைவர் பற்றி கொஞ்சம் கூறவும்

தங்க : ஆறு கோடி தமிழனுக்கு ஒரே தலைவா அவர் .இவரின் பொற்கால ஆட்சியில் தான் நம் தமிழ் நாட்டை கற்காலத்துக்கு அழைத்து சென்றவர் .தமிழன் நலனில் அட்கரை கொண்டவர் ஓர் சிறு உதாரணம் ஈழ மக்கள் சிறப்பு விடுமுறையை முன்னிட்டு அனைத்து கடைகளும் மூடப்பட்டும் பேருந்துகள் நிறுத்தப்பட்டும் தமிழ் குடி மக்கள் பாதிக்க படுவார்களே என்ற காரணத்திற்கு மது கடைகளை திறந்து வைத்து ஊற்றி கொடுக்க யாருக்கு வரும் மனசு .

வெ.வே.வெ: ஈழ தமிழர் பிரச்சனை பற்றி

தங்க :(முந்திக்கொண்டு ) அன்னை சோனியா தலைமையில் கொஞ்ச நாளில் பிரச்சனையை முடித்துவிடுவோம் . அப்புறம் பாருங்கள் ஈழ பிரச்சனை எலவே எலாது.

வெ.வே.வெ: அய்யா அணு ஆயுத ஒப்பந்தும் என்னவானது

தங்க : மின் உற்பத்தி செய்வதற்கு செய்யப்பட்ட ஒப்பந்தும் நானும் கூட என்னக்கு மனு செய்துருகிரேன் அணு உலையை பெறுவதற்கு பார்போம் .அதிலும் நான் வெற்றி பெற்றால் தமிழ் நாட்டில் முதல் தநீயர் அணு உலையை காங்கிரஸ் சார்பில் சேலம் தொகுதியில் நிறுவுவேன் .

வெ.வே.வெ:( நம்மள கொள்ளாம விட மாட்டார் போலிருக்கே ) அய்யா இறுதி கேள்வி தமிழக மக்களை பற்றி கொஞ்சம் ..,

தங்க : மனிக்கவும் நேரம் குறைவாக உள்ளது நான் தற்பொழுது விஜய் டிவி நீயா நானா நிகழ்ச்சிக்கு போய்கொண்டு இருகிறேன் சிறப்பு விருதினராக மறுபடியும் சந்திப்போம் .

வணக்கம்

கேமரா ஆப் செய்த பின்பு தங்கம் வெ.வே.வெ விடம் பதிவை வெளியிடும் பொழுது மீடியா பாட்னர் மெகா டிவி னு போடுங்க என்ற சொன்னார் .

அவரது விருப்ப படியே இப்பதிவை இணைந்து வழங்குவது மெகா டிவி .

பின்னோட்டம் இடுங்கள் முன்னேற்றுவதற்காக

தமிழகத்தை குறிவைக்கும் மரபணு மாற்று விதைகள்

2009-04-22T11:46:00.017+05:30

மேற்கத்திய நாடுகளின் சோதனை களம் ஆகிவிட்டது நமது இந்தியா அதிலும் நம் தமிழ் நாடு .பல நாடுகளில் தடை செய்யப்பட்ட மரபணு விதைகள் இப்பொழுது நமது நாட்டில் விவசாய நிலங்களை மலடாக்கி கொண்டு இருகின்றன .குறிப்பாக அமெரிக்கா நாட்டில் இருந்து வரும் பன்னாட்டு விதை நிறுவனங்கள் நாதியற்று கிடக்கும் நமது விவசாயிகளை இவ்வளவு மகசூல் அவ்வளவு மகசூல் என்று ஆசை வார்த்தைகளை கூறி அந்த மரபணு விதைகளை நம் விவசாயின் தலைகளில் கட்டி விடுகிறார்கள் .அதுவும் விலை எவ்வளவு என்று தெரியுமா விவசாயிடமிருந்து கிலோ பத்து ரூபாய்க்கும் பதினைந்து ரூபாய்க்கும் வாங்கி கொண்டு அவர்கள் கொடுக்கும் விதைகள் கிலோ ஒவ்வொன்றும் நூற்றி ஐம்பதுக்கும் இருநூறுக்கும் விற்று கொள்ளை லாபம் அடிக்கிறார்கள்.

மரபணு மாற்று விதைகள்
கால மாற்றத்தால் நமது பாரம் பரியும் மிக்க விவசாய முறைகளை விடுத்து பசுமை புரட்சி என்று கூப்பாடு போட்டு களை கொல்லியும் ரசாயின உரங்களும் பூச்சி கொல்லி மருந்துகளும் இட்டு நமது மண்ணை நஞ்சாகி விட்டனர் மெத்த படித்த மேதாவிகள் .இதனால் நாம் உண்ணும் உணவும் மெல்ல நஞ்சாகி விட்டது .நாமும் பலவிதமான நோய்களை மடியில் வாங்கி கொண்டு மருத்துவருக்கு பணத்தை அழுதுகொண்டு இருக்கிறோம் .

இது போதாது என்று இப்பொழுது மரபணு மற்று விதைகள் என்ற வஸ்து சில காலங்களாக நமது இந்தியா மண்ணில் ஊன்றபடுகிறது .அப்படி என்றால் என்ன .இயற்கையாய் இருக்கும் விதையின் தன்மையை நவீன தொழில்நுட்பம் மூளும் விதைகளின் தன்மையை மாற்றி விடுவது.அதாவது தக்காளி பழம் சிலநாட்களில் அழுகிவிடும் ஆனால் மரபணு மாற்று தக்காளி அப்படி அழுகாது பலநாட்கள் புத்தம் புது பழம் போல் அப்படியே இருக்கும் .கீழே காண்க

மரபணு மாற்று தக்காளி (இது பத்து நாட்களுக்கு மேல் அப்படியே இருந்தது )
இதுபோன்று நெல் பிற பாயிர்களின் விதைகள் மரபணு மாற்றம் செய்ய படுகிறது .பின்பு இந்த விதைகளால் உருவான பழம் காய்கறிகள் நாம் உட்கொள்ளும் பொழுது அது உள்ளே பொய் நமது மரபணு தன்மையை மாற்றம் செய்து விடுகிறது .இதனால் மலட்டு தன்மை இன்ன பிற நோய்களுக்கு ஆளாகலாம் .

அதே நேரம் விவசாய நிலங்களும் இந்த செயற்கை விதைகளால் மலடாகிவிடும் .அதேபோல இந்த முறை விதைகள் ஒரு முறை மட்டுமே பயன்படும் மறுபடியும் விதைக்க வேண்டும் என்றால் பன்னாட்டு நிறுவனத்திடம் தான் கையேந்த வேண்டும் .

இதிலிருக்கும் உண்மை என்றால் பண வெறி பிடித்த பன்னாட்டு விதை நிறுவனங்கள் இந்தியா அதிகாரவர்கமும் சேர்ந்து நமது நாட்டின் முதுகெலும்பான விவாசைத்தை குழி தோண்டி புதைக்க புரபட்டிருகின்றன

ஏற்கனவே சூதாட்ட முதலைகளிடம் சிக்கி தவிக்கும் இந்த விவசாய்கள் ,பிற்காலத்தில் தைகள் பாரம்பரிய முறையை இழந்து விதைக்க நெல் மணி கூட இல்லாமல் இந்த பன்னாட்டு நாய்களிடும் தான் போய் கையேந்த வேண்டும் .அப்பொழுது அவன் செயற்கையான தட்டுபாட்டை ஏற்படுத்தி ஒரு கிலோ விதையை ஆயிரம் ரூபாய்க்கும் இரண்டாயிரம் ரூபாய்க்கும் விற்பான் .

"நமது மண்ணும் போனது நமது மக்களும் போனார்கள் "

விடுமுறைக்காக நான் ஊருக்கு பதுநாட்கள் சென்ற பொழுது ஒரு நாள் என்னுடைய அப்பா விற்கு பயனீர் என்ற விதை நிறுவனம் அவர்களின் விதையின் விளைச்சலை பற்றி சொல்லவதற்காக வேனில் அலைத்கொண்டுபோகிறோம் என்று கூறினார்கள் அன்றயதினம் அவர் வேறு வேலையாக வெளியே சென்று விட்டதால் ஏன் அப்பாவுக்கு பதிலாக நான் சென்றேன்

அவர்கள் அழைத்து சென்ற இடம் ஈரோடு மாவட்டம் கோபிசெட்டிபாளையம் குருமந்தூர் அருகே கிராமத்தில் பயனீர் என்ற அமெரிக்கா நிறுவனம் அவர்களின் விதைகளை அந்த பகுதி விவசாய்களிடம் கொடுத்து விளைந்த மக்காசோளம் கருதுகளை காட்டி இப்படி செய்தால் இவ்வளவு மகசூல் என்று விளக்கம் கொடுத்தார்கள் .அவர்கள் சொல்லவதெல்லாம் இது அமெரிக்கா நிறுவனம் ஒரு முறை பயிரிட்டு பாருங்கள் நீங்களே தெரிந்து கொள்வீர்கள் என்று அங்கே சில விவசாய்கள் இயற்கை வேளாண்மை பற்றி வாதமிட்டனர் அதற்க்கு காலனிக்குள் இறங்காத இந்த மெத்த படித்த மேதாவிகள் பல விதமான விளக்கங்கள் கூறி அவர்கள் சமாதனபடுதீனார்கள் .

அந்த நிறுவனத்தின் மக்கா சோள கருதுகள்

பொன்னை வித்தாலும் மண்ணை விற்காத விவசாய்கள் வாழும் நாட்டில் விசத்தை அள்ளி தெளிக்கும் முதலாளிவர்க்கம் .

ஊர்திருவிழாவும் மஞ்சள் நீர் ஆடுவிழாவும்

2009-04-01T21:52:00.019+05:30

கிராமங்கள் என்று நினைவுக்கு வந்தாலே கண்டீப்பாக கிராமத்தில் நடைபெறும் கோயில் திருவிழாவும் பெரும்பாலானோர்க்கு நினைவு வரும் இந்த பதிவும் கிராமத்து திருவிழாவை பற்றியதுதான் .

இன்று பெருநகரத்தில் ஜன நெருகடியிலும் அயல் நாடுகளிலும் வாழ்பவர்களில் பெரும்பாலோனோர் கிராமத்திலிருந்து பிழைப்பு தேடி வந்தவர்கள் தான்.
கால மாற்றத்தில் இவர்களில் பெரும்பலவனர்கள் தங்கள் மண்ணை மறந்து மண் வாசனையும் மறந்து வாழ்ந்து கொன்டிறுபவர்களுக்கு இந்த பதிவை சமர்பிக்கிறேன் .

ஊர்த்திருவிழா
கிராமங்கள் என்று எடுத்து கொண்டால் கோயில்கள் இருக்கும் .கோயில்கள் என்று எடுத்து கொண்டால் வருடத்திற்கு ஒரு முறை திருவிழா (நோம்பி என்றும் அழைப்பார்கள் கொங்கு நாட்டில் )நடைபெறும் .பங்குனி சித்திரை,வைகாசி போன்ற மாதங்களில் மாரியம்மன் கோயில் கலை கட்டிவிடும் .கம்பம் போட்டு ,தொரனும் கட்டி ,மின்விளக்குகளால் அலங்க்கரும் செய்து ஊரே விளகொளும் பூண்டுவிடும் .கம்பம் நட்ட அந்த ஒரு வாரத்தில் ஒரே அமர்கள படும் .உறவினர்கள் ஒவ்வொன்றாக வரதொடங்குவார்கள்,வீடுகள் எல்லாம் சுண்ணாம்பு பூசப்பட்டு வெள்ளை வெளேர் என்று காட்சி அளிக்கும் .இரவு நேரம் வந்தால் ஊர் பெரியவர்கள் எல்லாம் ஒன்று கூடி பழங்கதைகளை பேசிக்கொண்டும்,சின்னம் சிறுசுகள் கோயில் சுற்றியும் விளயாடி கொண்டும் இருப்பார்கள் .பின்பு மத்தாளம்அடிக்க \ மத்தாலகாரர்கள் வந்து சேர்வார்கள்.மத்தாளம் அடிக்க தொடகியதும் ஊர்காரர்கள் ஒவ்வ்வோருவராக வந்து ஆடவார்கள் .ஆடுபவர்களில் வயதானோர் ஒரு பக்கம் இளைஞர்கள் ஒரு பக்கம் ,சிறுவரகள் ஒரு பக்கம் கூடி ஆடுவார்கள் .ஆட்டத்தில் பல வகை உண்டு குறிப்பாக நான் பிறந்த பகுதியில் சலங்கை ஆட்டம் ,வரிசை ஆட்டம் ,கும்மி ஆட்டம் போன்ற பலவித மான ஆட்டங்கள் ஆடுவார்கள் .

(இங்கு பதிவேர்றபட்டிருக்கும் வீடியோ வரிசை ஆடம் ஆடும் இளைஞர்கள்
எப்படி ஆடுகிறார்கள் என்று பாருங்கள் .வீடியோ ஓடத்தொடங்கி ஒரு நிமடவாக்கில் அவர்களின் ஆட்டத்தை காணலாம் . இந்த வீடியோ காசுகாரன்பாளையும் என்ற ஊரில் படமெடுக்க பட்டது .நன்றி கொங்கு மீடியா பதிவு )

ஆடும்போது இடையில் நிறுத்தி நிறுத்தி சில வாக்குவாரம் சொல்ல்வார்கள் .அந்த ஊர்காரகள் மட்டுமல்ல அருகிலிருக்கும் கிராமதார்களும் வருவார்கள் ஆடுவதற்கு. அதிலும் திருவிழா ஆறுநாட்கள் நடைபெறும் என்றுவைத்து கொண்டால் கடைசி இரண்டு நாட்கள் கோயிலில் ஆடுவதற்கு கூடும் நிரம்பி வழியும் குறிப்பாக இளவட்டம் எதற்கு என்று கேட்குறீங்கள? அப்பதான் உறவுகாரப் பெண்கள் ,ஊர்கார பெண்கள் ஆட்டத்தை காண வருவார்கள் ? !.அதற்காகவே இளவட்ட ஆண்கள் (தப்பாக எண்ணாதீர்கள் எல்லாம் ஒரு மகிழ்ச்சிக்கு தானே ) கால்வலிதாலும் கண்சிமிட்டி ஓரகண்ணால் பார்த்துக்கொண்டே ஆடுவார்கள் .எங்கள் ஊரில் வியாழக்கிழமை தான் விழாவின் முக்கியனால் அன்று அதிகாலையிலேயே பெண்கள் புத்தாடை அணிந்து மாவிலக்கை எடுத்து கொண்டு கோயிலுக்கு வருவார்கள் அந்த நேரத்தில் வெடிவெடித்து மத்தள வாத்தியங்களுடன் வருவார்கள் .பிங்கு பொங்கல் இட்டு சாமிக்கு நேர்த்தி கடன் சில்திய பின்பு(கிடா ,கோழி ).மாவிளக்கை கோயிலில் இருந்து அவரவர் வீட்டிற்கு எடுத்து செல்வார்கள் ,
சிறு சிறு கடைகள் விழா நேரத்திற்கு வந்து இருக்கும் சிறுவர்கள் அம்மாவை நட்சத்ரித்து விளையாட்டு பொருள்களை வாங்குவார்கள் .பெட்டி ஐஸ் காரன் கூ கூ என்று கூவுவான் .அன்று மாலையே மக்கள் கோயிலில் கூடுவார்கள் .
அன்று நேரத்திலேயே மத்தளம் கட்டி ஆட தொடங்கி விடுவார்கள்.பின்பு நட்ட கம்பத்தை பிடுங்கி அதற்கென்றே உள்ள கிணற்றில் எரிந்து விடுவார்கள் .

அப்புறமென்ன திரைகட்டி பழைய சினிமா ஒன்றும் புட்சிய சினிமா ஒன்றும் போடுவார்கள்.

மஞ்சள் நீராட்டு விழா

திருவிழா முடிந்த மறுநாள் மஞ்சள் நீராடு விழா நடை பெரும் மஞ்சளை கரைத்து அனாவில் வைத்து விடுவார்கள் யார் வேண்டுமானாலும் மஞ்சள் நீரை எடுத்து தன் பிரிய பட்டவர்களின் மேல் ஊற்றி விடலாம்,(சிலர் இதுதான் சமயம் என்று தான் விருப்பப்பட்ட பெண்கள் மேல் ஊற்றி வில்யடுவார்கள்).

சரி இவ்வளுவு எழுதுறேனே எதற்காக என்று கேக்குறீங்களா ?

திருவிழாவில்தான் ஊறவுகள் ஒன்றுகூடும் ,வருடம் முழுதும் உழைத்து உழைத்து கலைத்து போனவர்களுக்கு திருவிலாகள் தான் அவர்களின் உற்சாகம் தரும் உரைவிடுமாகும். நீங்கள் பார்த்து இருப்பீர்கள் பெருநகரங்களில் பெரும் வேளைகளில் இருப்பவர்கள் தங்கள் சொந்த ஊர் திருவிழா என்று செய்தி அறிந்தால் அடித்து பிடித்தாவது ஊருக்கு போவதை

ஏன்? தன் சொந்தங்களை காணவும், பந்தங்களை பார்க்கவும் தான் சிலர்க்கு என்னதான் வசதி வாய்புகள் இருந்தாலும் தன் சொந்த ஊரில் இருப்பதுதான் மரியாதை கவுரவும் என்று நினைப்பார்கள் அதை எள்ளவும் மீறி அவர்கள் தன் மண்ணின் மேல் வைத்துள்ள பாசம் பின்னைப்பு ஆகியவைதான் .

திருவிழாவில் எதற்கு ஆடம் பாடம் என்று என்னுகுறீர்களா

ஆட்டம் பாட்டம் என்பது ஒரு சடங்கு என்றாலும் அது பின்னால்லுள்ள காரணத்தை பார்த்தல்
வருடம் முழுதும் வேலை செய்து களைத்தவர்களுக்கு உற்சாகம் ஏற்றும் ஆட்டம் .சினிமா காரர்கள் எல்லாம் இவர்களை போல் தொடர்ந்து ஆடுவார்களா என்றால் இல்லை என்றுதான் கூறுவேன் .கிராமதினர்க்கு இந்த ஆட்டத்தின் மேல் மதிப்பும் மரியாதையும் அதிகம் .சண்டை சச்சரவு மறந்து ஒன்று கூடி நடத்தும் திருவிழாக்கள் இன்னும் கிராமத்தின் அடையாளமாக திகள் கின்றன .

மறைந்து போகும் கிராமத்து விளையாட்டுகள்

2009-03-27T22:24:00.008+05:30

நான் என் சிறுவயது காலத்தில் பள்ளியை விட்டு வந்ததும் பக்கத்து வீட்டு நண்பர்களுடன் பொழுது இருட்டும் வரை விளையாடுவோம் .என் காலத்தில் பலவிதமான விளையாட்டுகள் மிகுதியாக விளையாடுவோம் ,தட்டு கரையான்,கண்ணாம்பூச்சி,நொங்கு வண்டி ,ஐஸ் நம்பர் , நொண்டி விளையாட்டு,கபடி,அஞ்சான் கல் ,பாண்டியன் குழி, உயிர் கொடுத்து விளையாடுதல் போன்ற விளையாட்டுகள் இப்பொழுது உள்ள கிராமத்து சிறுவர்கள் கூட இவ்வித விளையாட்டை விளையாடுவது கிடையாது .
மெல்ல மெல்ல நம் மண் வாசனையுடன் கூடிய இந்த விளையாட்டுகள் நம் காலத்திலேயே நம் கண் முன்னே சிறுக சிறுக மறைந்து கொண்டு இருக்கிறது .

இப்பொழுதுள்ள சிறுவர்கள் கூட கையில் கிரிக்கெட் மட்டையை பிடித்து கொண்டும், கூடை பந்தை அடித்து கொண்டும் திரிகிறார்கள் .நான் இதை தவறு என்று சொல்ல வரவில்லை எங்கோ அந்நிய மண்ணில் இருந்து வந்த விளையாட்டை நாம் பெரிதும் விருப்பும் பொழுது நம் மன்னனின் விளையாட்டுகள் என் மறக்கடிக்க படுகின்றன .
நான் மேலே குர்ரிப்பிட்டுல்குத்து விளையாட்டு,கண்ணாம் poochi விளையாட்டுகள் எல்லாம் மனதிற்கும்,நம் உடம்பிற்கும்,மிகுந்த உற்சாகத்தையும்,நண்பர்களுகுடனான பின்னைப்பு, ஒற்றுமை போன்றவை சிறுவர்களின் மனதில் ஏற்படுத்து கின்றன .மேலும் இது போன்ற விளையாட்டுகளுக்கு எந்த விதமான பொருட் செல்லவும் இல்லை,உடம்பு இருந்தால் போதும் .
பின்பு என் இந்த விளையாட்டுகள் நம் கண்முன்ன மறைந்து கொண்டு இருகின்றன ?

காரணம் முன்பெல்லாம் தொலைக்காட்சி வசதி அதிகமாக இருக்காது அப்படியே இருந்தாலும் தூர்தர்ஷன் ஒன்று தான் பிரதான வீடுகளில் தெரியும் .
அதனால் சிறுவர்களுக்கு வேறு பொழுது போக்கு இல்லை அதனால் நன்றாக விளையாடினார்கள் .ஆனால் இப்பொழுது அப்படியா நூற்று கணக்கான தனியார் தொலைக்காட்சிகள் பணம் பண்ணும் ஒரே ஒரு குறி கொள்ளுக்காக
சிறுவர்களின் மனதை சிதைக்கும் நிகழ்ச்சிகளை ஒளிபரப்புகின்றன .சிறு பருவதினர்க்காகவே சில பன்னாட்டு சேனல்கள் ஒலிபரப்பு ஆகின்றன .பள்ளியை விட்டு வரும் சிறுவர்களும் தொலைக்காட்சியே கதி என்று கிடக்கின்றனர் .அவர்கள் பொய்யான ஒரு மாயா பிம்பதினையே தன் நிஜம் என்று அவர்கள் மனதில் ஊன்றிவிடுகிறது .இன்னும் சில சிறுவர்கள் விளையாடுவார்கள் என்னவென்று பார்த்தல்,கிரிக்கெட்,டென்னிஸ் போன்றவையாகும் .

ஊடகங்களின் தொடர் பிரச்சாரத்தால் அவர்கள் டென்னிஸ்,கிரிக்கெட்,குத்து சண்டை போன்றவையே விளையாட்டுகள் என்று ஒரு எண்ணம் பலருக்கு வந்து விடுகிறது .இதில் இன்னு பிற விளையாட்டுகளையும் சேர்த்து கொள்ளலாம் .அனைத்தும் எப்படி நம் நாட்டிற்க்கு வந்தது என்று பார்த்தீர்கள் என்றால் தொலைக்காட்சி வாயிலாகத்தான் பெரும்பாலும் நம் மனதில் இடம் பெற்றன .
இவை அன்னதும் மேற்கத்திய விளையாட்டுகள் என்றாலும் அதில் ஒரு குறிப்பிடா அளவினர்தான் விளையாட முடியும். ஆனால் நம் கிராமத்து விளையாட்டுகள் அப்படி அல்ல எதனை பேர் வேண்டு மானாலும் பங்கேற்று விளையாடலாம் .

இப்போதுள்ள பெரும்பான்மையான பெற்றோர்கள் தங்கள் குழந்தை விளையாடுவதற்கு அனுமதிப்பதில்லை .பள்ளியில் உள்ள விளையாட்டு நேரம் தவிர சிறுவர்களும் விளையாடுவது இல்லை குழந்தைகள் வந்தவுடன் அவர்களை டியூஷன் க்கு அனுப்பி விடுகின்றனர் ,இன்னும் சிலரோ டான்ஸ் கிளாஸ் ,மியூசிக் கிளாஸ் போன்றவற்றுக்கு அனுப்பி தங்கள் குழந்தைகளை
"கல்யாணந்தான் கட்டிக்கிட்டு ஓடிபோலாமா" ,வேர் ஈஸ் தா பார்ட்டிக்கும் ஆடவிட்டு சந்தோஷ படுகின்றனர்.

இப்பொழுது உள்ள குழந்தைகள் அவர்களின் சிறுவயதின் அருமை தெரியாமல் வளர்கின்றனர் .இதற்க்கு காரணம் பெற்றோர்களும் ஊடங்களும் தான் என்று சொன்னால் அது மிகயாகாது .

இதுக்கு தீர்வு என்று பார்த்தால் சிறுவர்களை அதிகமாக தொலைக்காட்சி முன் அமர அனுமதிக்ககூடாது .மாலை பொழுதில் அவர்களை வித விதமான விளையாட்டுகளை விளையாட சொல்லி ஊக்கப்படுத்த வேண்டும் . அவர்கள் இருக்கும் பொழுது அதிகமாக தொலைக்காட்சி பெட்டியை பார்க்ககூடாது,
தொலை காட்சிகளும் சிறுவர்களின் நலன் கருதி சினிமா தொடர்பு இல்லாது அறிவு சார் நிகழ்ச்சியை தயாரிக்க வேண்டும் .

இன்று சில கிராமங்களில் நீங்கள் "வெண்ணிலா கபடி குழு" வில் பார்த்து இருப்பீர்கள் அது போல திரு விழா நாட்களில் மட்டும் தான் நம் விளையாட்டுகளை பார்க்க முடிகிறது.
மீண்டும் எழுமா நம் மண்ணின் விளையாட்டுகள் .
அல்லது நமூர் கோலி சோடாவை அடித்து நொறுக்கிய அந்நிய குளிர் பானும் போல் நம் மண்ணின் விளையாட்டுகளை பணம் கொழிக்கும் அந்நிய விளையாட்டுகளும் ,முதலாளித்துவ ஊடகங்குளும் நம் கண்ணில் இருந்து
மறைத்து விடுமோ?
சமூக கலை இலக்கிய அமைப்பு' நடத்தும் சிறுகதை போட்டிக்காக எழுதப்பட்டது

புதிய மொபைல் சேவை அறிமுகம்

2009-03-27T08:12:00.011+05:30

சென்னையில் புதிய மொபைல் சேவை அறிமுகப்படுத்த பட்டுள்ளது .அந்நிறுவனத்தின் பெயர் எம் டி எஸ் ஆகும்,ரஸ்யாவின் பொது துறை நிறுவனமான சிஸ்டெமா
மற்றும் இந்தியாயவின் ஷ்யாம் குழுமமும் இணைந்து தமிழ் நாட்டில் புதிய மொபைல் சேவையை தொடங்கியுள்ளன .கடந்த சில நாட்களாக அதன் முட்டை வடிவ விளம்பரத்தை கண்டு இருப்பீர்கள் (எல்லாமே மாறும் விரைவில் என்று எல்லாம் மாறுமா என்று பொறுத்து இருந்து பார்போம் ).
எம் டி எஸ் நிறுவனம் தமிழகத்தில் முதலில் "பிரிபெய்டு' சேவையை அறிமுக படுத்தியுள்ளது .
499 ரூபாய் செலுத்தி முதலில் செலுத்தி எம் கார்டு திட்டத்தில் இணைப்பு பெறுபவர்கள் வாழ்நாள் முளுவதுள் பத்து லட்சம் இலவச நிமிடங்கள் லோக்கல் கால்களை இலவசமாக பேசி கொள்ளலாம் .இதன் படி எம் டி எஸ் மொபைல் இணைப்பிலிருந்து மற்றொரு எம் டி எஸ் மொபைல் இன்னைபிற்கு தினமும் 150கால்கள் இலவசமாக பேசி கொள்ளலாம் .மற்றும் நாள் ஒன்றிற்கு அனைத்து மொபைல் நிறுவன மொபைல் சேவைக்கும் 10 எஸ்.எம்.எஸ் இலவசமாக அனுப்பி கொள்ளலாம் .

எம் எஸ் பல்வேறு விதமான டரிப் கார்டுகளை வெளியிட்டு உள்ளது
எம் சேவர் 45 மதிபுள்ள ரேட் கார்டு பயன்படுத்தி எம்டிஎஸ் டு எம்டிஎஸ் அனைத்து லோக்கல் கால்களும் இலவசமாக பேசி கொள்ளலாம்
மேலே இருக்கும் ரேட் கார்டு
படி நாற்பத்தைந்து செலுத்தி எம்டிஎஸ் டு எம்டிஎஸ்-25/மின்
மற்ற மொபைல்களுக்கு 49p/மின்
தேசிய கால்களுக்கு 1/min பேசி கொள்ளலாம்

எம் சேவர் ருபாய் முப்பது மதிப்புள்ள ரேட் கார்டை பயன் படுத்தி முதல் இரண்டு எஸ் எம் எஸ் தவிர அனைத்து லோக்கல் மற்றும் தேசிய எஸ் எம் எஸ் கள் இலவசம் .

எம் சாவேர் ருபாய் இருபத்தியைந்து மதிப்புள்ள ரேட் கார்டை பயன் படுத்தி
அனைத்து லோக்கல் கால்களும் 49p/மின் பேசி கொள்ளலாம் .

புதிதாக வந்துள்ள இந்த மொபைல் சேவை எப்படி செயல் படும் என்று பொறுத்திருந்து பார்போம்

என்ன செய்கிறது நமது பாது காப்புத்துறை

2009-01-03T16:34:00.006+05:30

நூறு கோடி மக்களும் உன்னை நம்பி உறங்குகின்றனர் நீ உறங்காமல் இருப்பதான்னால்.

மும்பை தாக்குதலை அடுத்து நமது நாட்டிற்கு புதிய உளவுத்துறை அமைப்பை ஏற்படுத்தியது மதிய அரசு .ஆனாலும் இன்னும் குண்டு வெடிப்புகள் தொடர்ந்து கொண்டுருக்கிறது என்பது வருந்தபட்தக்க ஒன்றாகும்.அஸ்ஸாம் மாநிலத்தில் ஏற்பட்ட தொடர் குண்டு வெடிப்பு என்பது இன்னும் நமது பதுகாப்பு துரையின் குறைபாட்டை வெளிச்ச மிட்டு காட்டுகிறது .

நமது நாட்டிற்கென்று புகழ் பெற்ற உளவுத்துறைகள் இருகின்றன இருந்தும் என்ன பயன் இஸ்ரேலின் மொசாத் மற்றும் அமெரிக்காவின் பெடெரல் புலனாய்வு துறை போல் நடக்க போவதை முன்கூடியே உறுதிப்படுத்த வேண்டாமா .மதிப்ற மனித உயிர்கள் மடிந்த பின்பு பாதுகாப்பை சில நாட்களுக்கு பலபடுதுவதும் பின்பு எப்பொழுதும் போல் அசட்டையாக இருபதும் வாடிக்கையாகிவிட்டது .

உளவு அமைப்புகள் நாட்டிற்காக வேலை பார்பதை விட்டு விட்டு அரசியல் வாதிகளுக்கும் ஆட்சியாளர்களுக்கும் உளவு பார்ப்பது தொடர்ந்தாள் இன்னும் பல இழப்புகளை நாம் சந்திக நேரிடும் .

நான் நமது பாதுக்கப்பு துறையை குறைத்து சொல்ல வரவில்லை அதில்லுல குறைகளை கலய சொல்லிகிறேன்.

மதுவால் கெட்டது நம் தமிழ்நாடு

2009-01-02T22:36:00.005+05:30

ஒருவன் மது அருந்தினால் அவனுக்கு மட்டும் கேடு அல்ல அவன் குடும்பத்துக்கே கேடு .மக்களை காக வேண்டிய அரசே மக்களை மயக்குகிறது மதுவால் .
தமிழக அரசே ஆளும் அரசே நீங்கள் செய்த சாதனை பட்டியலை ஒவ்வொரு மாநாட்டிலும் வாசிபீர்களே இதையும் சேர்ந்து வாசியுங்கள் .

நாங்கள் ஆட்சிக்கு வந்த பிறகு இவ்வளவு மதுகடைகளை துறந்தோம் அதனால் நம் குடிமகன்கள் இவ்வளவ்வு பேர் போதிக்கப்பட்டு இருகிறார்கள் மன்னிக்கவும் பாதிக்கப்பட்டு இருகிறார்கள் .பொங்கல் ,தீபாவளி ,புத்தாண்டு போன்ற திருநாட்களில் நாங்கள் அரசுக்கு ஒரே நாளில் நூற்றி ஐம்பது கோடி வருமானம் ஈட்டி தந்தோம் . எங்கள் ஆட்சியில் மதுவை அருந்தி வாகனம் ஓடியதில் இவ்வளவு ? பேர் மரணம் .எவ்வளுவு குடும்பங்கள் நடு தெருவுக்கு வந்துள்ளன போன்ற அரும் பெரும் சாதனை பட்டியல்.

வருங்கால சமுதாயம் இளைஞர்கள் கையில் என்று கூவுகிறீர்கள் ,ஆனால் அவர்கள் கையில் மது கூபி தானே இருக்கிறது .பின் எப்படி ஒரு அருமையான சமுதாயம் உருவாகும் .

மது கடைகளை துறப்பதிர்ருக்கு பதிலாக அரசு மருத்துவ மனையை துவக்குங்கள் .ஏழை உங்களை வாழ்த்துவான் .இருக்கும் அரசு மருத்துவமனைகளை மேன்படுதுங்கள்.

இன்னும் குறிப்பாக தமிழ் நாட்டுல மது உற்பத்தி ஆலைகளை இழுத்து மூடுங்கள்.

தங்கள் சுய விளம்பரத்தை மறந்து மதுவால் ஏற்படும் தீமையை மக்களிடத்தே ஊடகங்கள் மூலமாக விளக்குங்கள்.

இன்னும் பெறு நகரங்களில் மேல் தட்டு வர்க்கத்தினர் குறிப்பாக இளைஞர்கள் பெண்கள் எல்லாம் கூட மேற்கத்திய மோகத்திற்கு அடிமையாகி மதுவை அருந்துவதில் பெருமை கொள்கின்றனர். நமது நாட்டிற்க்கும் நமது பண்பாட்டிற்கும் நல்லதலே.

தாயே என்ன பிழை செய்தோமடித் தாயே

2009-01-01T17:56:00.003+05:30

மக்கள் தொலைகாட்சியில் ஒளிபரப்பு ஆகிவரும் ஈழம் தொடர் மிகபெரிய அதிர்வை தமிழ் மக்களிடையே ஏற்படுத்திய அந்த தொடர் . நம் இனம் ஒரு பகுதி நம் கண் எதிரிலேயே அழிகிறது .இலங்கை அரசின் ராணுவ தாக்குதலால் ஈழ மக்கள் தினமும் வாழ்வா சாவா நிலைக்கு தள்ளப்பட்டுள்ளனர் .இலங்கையை தன் உழைப்பால் செளிப்பாகிய இனம் இப்பொழுது நாதியற்று கிடக்கிறது .

பொழுதுபோக்கு தொலைகாட்சிகளுக்கு நாடுவே மக்கள் தொலைக்காட்சி ஈழ நிலையை ஒளிபரப்பி தன் சமுஉக பொறுப்பை நிலை நாட்டியதுக்கு நன்றி.

(ஈழ தொடரின் கோப்புக் காட்சி தொடர்பு இன்னைய தளம் தெரிந்தால் என்னக்கு தெரிவியுங்கள்.)

மின் சிக்கனம் இவர்களுக்கு இல்லை

2008-12-30T16:53:00.001+05:30

மின் பற்றாக்குறையை சமாளிக்க, தொழிற்சாலைகளுக்கு வாரத்தில் இரண்டு நாள் கட்டாய விடுமுறை அளிக்க தொழிலதிபர்கள் சம்மதித்துள்ளனர் என்று மின்சாரத் துறை அமைச்சர் ஆற்காடு வீராசாமி அறிவித்துள்ளார் .அய்யா முதலில் உங்கள் கட்சி மாநாட்டுக்கு செலவிடப்படும் மின்சாரத்தை குறையுங்கள் .ஊரே இருளில் மூழ்கி இருந்தாலும் உங்கள் மாநாட்டுக்கு மட்டும் எங்கிருந்து மின்சாரம் வருகிறது என்று தெரியவில்லை .உங்களுக்கே மனது உறுத்த வில்லையா பல மயில் தூரத்திற்கு மின் விளக்குகளை அமைத்து எதை சாதித்தீர்கள் மாறாக பொது மக்களின் சாபத்திற்கு ஆலகின்றீர்கள். மின்சிக்கனத்தை பற்றி பிறருக்கு அறிவுரை கூறும் முன் நீங்களும் உங்கள் கட்சியனரும் அடைதி பின்பற்றுங்கள் .

வேண்டாம் இலவசம்

2008-12-30T13:26:00.000+05:30

நம் மக்களை மேலும் மேலும் சோம்பேறிகளாக மாறி கொண்டுருக்கிறது நம்மை ஆளும் அரசு .இரண்டு ரூபாய்க்கு அரிசி ,இலவச வண்ண தொலைக்காட்சி என்று கொடுக்கிறது .மக்கள் பணத்தில் பொருட்களை தருவதற்கு நீங்கள் யார் ?

ஒரு உதாரணம் பார்ப்போம்:
இலவச தொலைக்காட்சி என்று ஒன்று கொடுத்தார்களே அது எதற்கு என்றால் நும் மக்கள் பொது அறிவை பெருக்குவதற்கு என்றார்கள் சிரிப்பு தான் வருகிறது .இப்பொழுது இருக்கும் தொலைக்காட்சி அலைவரிசைகள் பெரும்பாலும் மக்களின் அறிய நேரத்தை வீணடித்து கொண்டு இருக்கின்றன ( எனக்கு தெரிந்து மக்கள் தொலைக்காட்சி தவற ) .தீபாவளி பொங்கல் போன்ற நாட்களில் சிறப்பு நிகழ்ச்சி என்று பார்த்தல் சினிமா சார்ந்த நிகழ்ச்சிகளே ஒளிபரப்புகின்றன .அதை விடுங்கள் சுதந்திர தினத்திற்கும் நமீதாவிற்கும் என்ன சம்மந்தம் என்றே என்னக்கு புரியவில்லை .

பொங்கலுக்கு பொங்கல் வைக்கும் பொருட்கள் இலவசமாக தருவதாக அறிவித்துள்ளீர்கள் அய்யா ஒன்றை தெரிந்துகொள்ளுங்கள் விவசாயிகள் பொங்கலன்று பயன்படும் கரும்புக்கு விலை கேட்கிறார்கள் அதை தாருங்கள் . நிலவி வரும் கடும் மின்தடை இன்னும் பல இன்னல்களுக்கு ஆளாகி விளைய வைத்து இருகிறார்கள்.அவர்களை வாழவையுங்கள் அப்பொழுது கொஞ்ச நஞ்ச மிருக்கும் நம் விவசாயமும் வாழும் .

தமிழ் தொலைக்காட்சி ஊடகம்

2008-12-30T10:40:00.000+05:30

ஊடகம் என்ற வலிமையான ஒன்று மக்களுக்கு எவ்வளவோ நன்மைகளை செய்யலாம் ஆனால் அவர்கள் தங்கள் சுயலாபதிர்கக நம் கலாச்சாரத்தை பெரிதும் சீரழித்து வருகின்றனர்.இன்றைய தேதியில் தமிழ்நாட்டில் மட்டும் 30 கும் மேற்பட்ட தொலைக்காட்சி அலைவரிசைகள் தங்கள் நிகழ்ச்சிகளை போட்டி போட்டு கொண்டு ஒளிபரப்புகின்றன . இருந்தும் என்ன பயன் தமிழனின் பண்பாட்டை உரித்து காட்டுவது ஒரு சில தொலைக்காட்சிகளே மற்றவை எல்லாம் திரைபடத்துறையை நம்பி தங்கள் நிகழ்ச்சிகளை அமைத்து மக்களின் அறியாய் பொழுதுகளை வீணடித்து கொண்டு இருகின்றன .